പോലീസ് ഓഫീസർ തൂങ്ങിമരിച്ച നിലയിൽ; ശ്രീകൃഷ്ണപുരം പോലീസ് സ്റ്റേഷനിലെ സിവിൽ പോലീസ് ഓഫിസറായ സുമേഷ് വിഷാദ രോഗിയായിരുന്നുവെന്ന് സഹപ്രവർത്തകർ

സ്വന്തം ലേഖകൻ

പാലക്കാട്: ശ്രീകൃഷ്ണപുരം പോലീസ് സ്റ്റേഷനിലെ സിവിൽ പോലീസ് ഓഫിസർ കയ്യറ മുണ്ടൂർ ആറുമുഖന്റെ മകൻ സുമേഷി(40)നെ തൂങ്ങിമരിച്ച നിലയിൽ കണ്ടെത്തി. വിഷാദ രോഗിയായിരുന്നുവെന്നും കഴിഞ്ഞ മൂന്നുദിവസമായി ലീവിലാണെന്നും സഹപ്രവർത്തകർ പറഞ്ഞു.

ഹേമാംബിക നഗർ പോലീസ് സ്റ്റേഷൻ പരിധിയിൽ ധോണി എസ്-നഗറിലെ സുമേഷിന്റെ ഉടമസ്ഥതയിലുള്ള അരിമണി എസ്റ്റേറ്റ് ഷെഡിലാണ് മരിച്ച നിലയിൽ കണ്ടെത്തിയത്.

മൂന്നുവർഷമായി ശ്രീകൃഷ്ണപുരം സ്റ്റേഷനിൽ സേവനമനുഷ്ടിച്ച് വരികയാണ്. ഭാര്യയും മകളും ഉണ്ട്. മൃതദേഹം പോസ്റ്റ്മോർട്ടത്തിനായി പാലക്കാട് ജില്ല ആശുപത്രിയിലേക്ക് മാറ്റി.