ആദ്യം പ്രണയം, പിന്നാലെ പീഡനം; പ്രണയം നടിച്ച് വശത്താക്കി പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചു; പോക്‌സോ കേസില്‍ കുമ്മനം സ്വദേശിയായ യുവാവ് അറസ്റ്റില്‍

സ്വന്തം ലേഖകന്‍

കോട്ടയം: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവിനെ പോലീസ് അറസ്റ്റ് ചെയ്തു. കുമ്മനം അമ്പൂരം ഭാഗത്ത് കളത്തുമാലിയില്‍ വീട്ടില്‍ പ്രകാശ് മകന്‍ പ്രവീണ്‍ (29) എന്നയാളെയാണ് മുണ്ടക്കയം പോലീസ് അറസ്റ്റ് ചെയ്തത്.

ഇയാള്‍ അതിജീവിതയെ പ്രണയം നടിച്ച് വശത്താക്കി പീഡിപ്പിക്കുകയായിരുന്നു. അതിജീവിതയുടെ പരാതിയെ തുടര്‍ന്ന് മുണ്ടക്കയം പോലീസ് കേസ് രജിസ്റ്റര്‍ ചെയ്യുകയും ഇയാളെ പിടികൂടുകയുമായിരുന്നു. മുണ്ടക്കയം സ്റ്റേഷന്‍ എസ്.ഐ അനീഷ് പി.എസ്, സി.പി.ഓ മാരായ സുനിത, ജയശ്രീ എന്നിവര്‍ ചേര്‍ന്നാണ് ഇയാളെ പിടികൂടിയത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.