video
play-sharp-fill

വീട്ടിൽ തയ്യാറാക്കിയ അച്ചാറിൽ പൂപ്പൽ വന്നുതുടങ്ങിയോ? വിഷമിക്കേണ്ട, പരിഹാരമുണ്ട്

വീട്ടിൽ തയ്യാറാക്കിയ അച്ചാറിൽ പൂപ്പൽ വന്നുതുടങ്ങിയോ? വിഷമിക്കേണ്ട, പരിഹാരമുണ്ട്

Spread the love

വീട്ടിൽ തയ്യാറാക്കിയ അച്ചാറിന്റെ രുചി വേറെ തന്നെയാണല്ലേ. പലർക്കും പുറത്ത് നിന്നും വാങ്ങി ഉപയോഗിക്കുന്നതിനേക്കാളും സ്വന്തമായി, ഇഷ്ടമുള്ള ചേരുവകൾ ഒക്കെ ചേർത്ത് ഉണ്ടാക്കാനാണ് ഇഷ്ടം.

എന്നാൽ വീടുകളിൽ അച്ചാറിട്ടത്തിന് ശേഷം സ്ഥിരമായി കാണുന്ന കാഴ്ചയാണ് അതിൽ പൂപ്പൽ വരുന്നത്. രണ്ടു ദിവസം ഉപയോഗിച്ച് കഴിഞ്ഞാൽ അടുത്ത ദിവസം എടുക്കുമ്പോഴേക്കും അച്ചാറിൽ പൂപ്പൽ വന്നിട്ടുണ്ടാകും. ഇങ്ങനെ സംഭവിക്കാതിരിക്കാൻ അച്ചാർ ഉണ്ടാക്കുമ്പോൾ തന്നെ ശ്രദ്ധിക്കേണ്ട ചില കാര്യങ്ങളുണ്ട്. അവ എന്തൊക്കെയാണെന്ന് അറിഞ്ഞാലോ?

1. അച്ചാറിടുന്നത് മാങ്ങയോ, നെല്ലിക്കയോ അല്ലെങ്കിൽ മറ്റെന്തെങ്കിലുമോ ആവാം. എന്ത് എടുത്താലും അവ കഴുകിയതിന് ശേഷം അതിൽ നിന്നും പൂർണമായും ഈർപ്പം പോയെന്ന് ഉറപ്പാക്കേണ്ടതുണ്ട്. അല്ലെങ്കിൽ പൂപ്പൽ വരാനുള്ള സാധ്യത വളരെ കൂടുതലാണ്.

തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group

2. കഴുകിയതിന് ശേഷം വൃത്തിയുള്ള തുണി ഉപയോഗിച്ച് തുടച്ചെടുക്കുകയോ അല്ലെങ്കിൽ വെയിലത്ത് ഉണങ്ങാൻ വയ്ക്കുകയോ ചെയ്യാം. വെയിലത്ത് വെച്ചാൽ പൂപ്പൽ ഉണ്ടാവാനുള്ള സാധ്യത കുറവായിരിക്കും.

3. പ്ലാസ്റ്റിക് പത്രങ്ങളിൽ സൂക്ഷിക്കുന്നതിനേക്കാളും ഗ്ലാസ് പാത്രങ്ങളാണ് അച്ചാറുകൾ സൂക്ഷിക്കാൻ കൂടുതൽ ഉചിതം. അച്ചാറ് സൂക്ഷിക്കുന്ന പാത്രങ്ങൾ ഇടയ്ക്ക് സൂര്യപ്രകാശം ലഭിക്കുന്ന രീതിയിൽ വയ്ക്കാവുന്നതാണ്.

4. ഇടക്ക് ഇടക്ക് അച്ചാറിട്ടുവെച്ചിരിക്കുന്ന പാത്രങ്ങൾ തുറക്കാൻ പാടില്ല. അകത്തേക്ക് വായു കടന്നാലും പൂപ്പൽ വരാൻ സാധ്യത കൂടുതലാണ്. അതിനാൽ തന്നെ കുറച്ച് ദിവസത്തേക്കുള്ളത് എടുത്ത് മാറ്റി സൂക്ഷിക്കാം.

5. പുറത്ത് വയ്ക്കുന്നതിനേക്കാളും ഫ്രിഡ്ജിൽ സൂക്ഷിക്കുന്നതാണ് നല്ലത്. ആവശ്യമായ രീതിയിൽ തണുപ്പടിച്ചാൽ പൂപ്പൽ ഉണ്ടാകുന്നത് തടയാൻ സാധിക്കും.

6. അച്ചാർ തയ്യാറാക്കുമ്പോൾ കൂടുതൽ എണ്ണ ഉപയോഗിച്ചാൽ പൂപ്പൽ വരുന്നത് തടയാനാകും. പാത്രത്തിന് മുകളിൽ എണ്ണ കിടക്കുന്നതിന് ആവശ്യമായ രീതിയിൽ ഇത്‌ ഉപയോഗിക്കാവുന്നതാണ്.

7. അച്ചാറിട്ട ശേഷം അത് പാത്രത്തിൽ നിന്നും എടുക്കുമ്പോൾ നനവുള്ള സ്പൂൺ ഉപയോഗിക്കരുത്. ഇത്‌ സ്ഥിരമായി പലരും ചെയ്യുന്ന അബദ്ധമാണ്. ഇത്തരം ചെറിയ കാര്യങ്ങൾ ശ്രദ്ധിച്ചാൽ തന്നെ അച്ചാറിൽ പൂപ്പൽ ഉണ്ടാകുന്നത് ഒഴിവാക്കാൻ കഴിയും.