ഒമാനിലെ സലാലയിലുണ്ടായ വാഹനാപകടം; ആലപ്പുഴ സ്വദേശിയായ യുവാവിന് ദാരുണാന്ത്യം

സലാല: ഒമാനിലെ സലാലയിലുണ്ടായ വാഹനാപകടത്തില്‍ ആലപ്പുഴ സ്വദേശി മരിച്ചു. ആലപ്പുഴ നീര്‍ക്കുന്നം വണ്ടാനത്തെ വാളംപറമ്പില്‍ ഷിയാസ് ഉസ്മാന്‍ ആണ് (33) മരിച്ചത്.

ഞായറാഴ്ച പുലര്‍ച്ചെയാണ് സംഭവം. ദുബൈയില്‍നിന്ന് സലാലയിലേക്ക് വരികയായിരുന്ന കുടുംബം സലാലക്കടുത്ത് ഹരീതില്‍ വെച്ചാണ് അപകടത്തില്‍ പെടുന്നത്.പിന്നില്‍ നിന്ന് വന്ന വാഹനം ഇടിക്കുകയായിരുന്നുവെന്നാണ് അറിയാന്‍ കഴിയുന്നത്.

അപകടത്തിന്റെ കൂടുതല്‍ വിവരങ്ങള്‍ ലഭ്യമായിട്ടില്ല. മൃതദേഹം സുല്‍ത്താന്‍ ഖാബൂസ് ആശുപത്രിയില്‍ സൂക്ഷിച്ചിരുക്കുകയാണ്.