മീഡിയാ വണിന്റെ സംപ്രേഷണം തടഞ്ഞ കേന്ദ്രസര്‍ക്കാര്‍ നടപടി ഫാസിസ്റ്റ് ഭീകരത: മൂവാറ്റുപുഴ അഷ്‌റഫ് മൗലവി
സ്വന്തം ലേഖിക
കോട്ടയം: കേന്ദ്ര സര്‍ക്കാരിന്റെ ജന വിരുദ്ധ നയങ്ങളെയും സംഘപരിവാര്‍ ഭീകരതയെയും തുറന്നു കാണിച്ചതിന്റെ പേരില്‍ മീഡിയാ വണിന്റെ സംപ്രേഷണം തടഞ്ഞ കേന്ദ്ര വാര്‍ത്താവിതരണ മന്ത്രാലയത്തിന്റെ നടപടി ഫാസിസ്റ്റ് ഭീകരതയാണെന്ന് എസ്ഡിപിഐ സംസ്ഥാന പ്രസിഡന്റ് മൂവാറ്റുപുഴ അഷ്‌റഫ് മൗലവി.
വിയോജിക്കുന്നവരെയും വിമര്‍ശിക്കുന്നവരെയും നിശബ്ദമാക്കുക എന്ന ഫാസിസ്റ്റ് രീതിയുടെ പരസ്യ പ്രകടനമാണിത്.
Whatsapp Group 1 | Whatsapp Group 2 |Telegram Group
ആവിഷ്‌കാര സ്വാതന്ത്ര്യത്തിനെതിരെയുള്ള ഈ കടന്നാക്രമണത്തെ ജനാധിപത്യ സമൂഹം ചെറുത്തു തോല്‍പ്പിക്കുക തന്നെ വേണം.
ജനാധിപത്യ രാജ്യത്ത് അനുവദിക്കാന്‍ കഴിയാത്ത സമീപനമാണ് ബിജെപി സര്‍ക്കാരിന്റെ ഭാഗത്ത് നിന്നുമുണ്ടായിട്ടുള്ളത്.
രാജ്യം ഫാസിസ്റ്റ് തേര്‍വാഴ്ച്ചയുടെ പൂര്‍ണതയിലേക്ക് എത്തിക്കൊണ്ടിരിക്കുന്നുവെന്നതിന്റെ ഒടുവിലത്തെ ഉദാഹരണമായി കാണണം മീഡിയ വണിനെതിരെയുള്ള ഈ നിലപാടിനെ.
ആഭ്യന്തര ജനാധിപത്യത്തെ ശാക്തീകരിക്കുന്നതിനും പൗരവകാശങ്ങള്‍ക്ക് വേണ്ടിയും ശക്തമായ നിലപാട് സ്വീകരിക്കുന്നതിന് കറകളഞ്ഞ സമീപനം സ്വീകരിക്കുന്ന മീഡിയ വണിനെതിരെയുള്ള ഇത്തരം ഫാസിസ്റ്റ് നീക്കത്തിനെതിരെ പൊതുസമൂഹത്തില്‍ നിന്നും ശക്തമായ പ്രതിഷേധം ഉയരേണ്ടതുണ്ടെന്നും മൂവാറ്റുപുഴ അഷ്‌റഫ് മൗലവി പറഞ്ഞു.
