അസ്ഹർ മുംബൈയെ അടിച്ചോടിച്ചു: കേരളത്തിനു മിന്നും ജയം; സഞ്ജുവിനു പിന്നാലെ ട്വന്റി 20യിലേയ്ക്കു കേരളത്തിന്റെ സംഭാവനയായി അസ്ഹർ

തേർഡ് ഐ സ്‌പോട്‌സ്

മുംബൈ: പടുകൂറ്റൻ ലക്ഷ്യം കേരളത്തിനു മുന്നിൽ നിരത്തിയ മുംബൈയെ തവിടുപൊടിയാക്കി മുഹമ്മദ് അസുറുദീൻ.
മുംബൈ നൽകിയ 197 റൺസെന്ന കൂറ്റൻ ലക്ഷ്യം നിഷ്പ്രയാസം മറികടന്ന് കേരളം. 15.5 ഓവറിലാണ് 2 വിക്കറ്റ് നഷ്ടത്തിൽ കേരളം ഈ സ്‌കോർ മറികടന്നത്. 54 പന്തിൽ 137 റൺസ് നേടിയ അസ്ഹറുദ്ദീന്റെ പ്രകടനം ആണ് കേരളത്തിന് മത്സരം അനുകൂലമാക്കി മാറ്റിയത്. 9 ഫോറും 11 സിക്‌സുമാണ് അസ്ഹറുദ്ദീൻ നേടിയത്.

23 പന്തിൽ 33 റൺസ് നേടിയ റോബിൻ ഉത്തപ്പയും 12 പന്തിൽ 22 റൺസ് നേടിയ സഞ്ജു സാംസണും മികച്ച പ്രകടനം കേരളത്തിനായി നേടി.

മുഹമ്മദ് അസ്ഹറുദ്ദീന്റെ ഒറ്റയാൻ പ്രകടനമാണ് കേരളത്തെ വിജയത്തിലേക്ക് നയിച്ചത്. 20 പന്തിൽ അർദ്ധ ശതകം നേടിയ അസ്ഹറുദ്ദീൻ തന്റെ ശതകം പൂർത്തിയാക്കുവാൻ 17 പന്ത് കൂടിയാണ് നേരിട്ടത്. 6 ഓവറിൽ 88 റൺസ് നേടിയ ടീമിന് 10 ഓവറിൽ 140 റൺസാണ് നേടാനായത്.