മാസപ്പടി കേസിലെ ഇ. ഡി അന്വേഷണത്തെ സ്വാഗതം ചെയ്യുന്നതായി പരാതിക്കാരനായ അഡ്വ. ഷോൺ ജോർജ്

സ്വന്തം ലേഖകൻ
കൊച്ചി: മുഖ്യമന്ത്രിയുടെ മകൾ വീണ വിജയൻ പ്രതിയായ മാസപ്പടി കേസിലെ ഇ. ഡി അന്വേഷണത്തെ സ്വാഗതം ചെയ്യുന്നതായി പരാതിക്കാരനായ അഡ്വ. ഷോൺ ജോർജ്.

കേസിൽ സിബിഐയുടെ അന്വേഷണവും അനിവാര്യമാണെന്നും അദ്ദേഹം പറഞ്ഞു.

മാസപ്പടി കേസ് ഒരു ഗുരുതര സാമ്പത്തിക കുറ്റകൃത്യമാണെന്ന് തെളിഞ്ഞ പശ്ചാത്തലത്തിലാണ് എസ് എസ് ഐ ഒ ക്ക് ഒപ്പം ഇ ഡി അന്വേഷണം ഉണ്ടായിരിക്കുന്നത്.

ഇ.ഡിയുടെ പുതിയ നീക്കത്തിൽ താൻ സന്തുഷ്ടനാണെന്നും ഷോൺ ജോർജ് പ്രതികരിച്ചു.

കേസിൽ നടപടി ഉണ്ടായില്ലെങ്കിൽ അത് സിപിഎം ബിജെപി അഡ്ജസ്റ്റ്മെന്റ് ആണെന്നും, നടപടി ഉണ്ടായാൽ അതിനെ രാഷ്ട്രീയപ്രേരീതമാണെന്നും പറയുന്ന പ്രതിപക്ഷത്തിനുള്ള മറുപടി കൂടിയാണ് ഇഡി അന്വേഷണമെന്നും അദ്ദേഹം ചൂണ്ടിക്കാട്ടി.