കൊച്ചി: നഗരത്തില്‍ മസാജ് പാര്‍ലറിന്റെ മറവില്‍ പെണ്‍വാണിഭ സംഘങ്ങള്‍ സജീവമാകുന്നു.  പ്രാദേശിക ഗുണ്ടാസംഘങ്ങളുടേയും ലോക്കല്‍ പൊലീസിന്റെയും ഒത്താശയോടെയാണ്  മസാജ് പാര്‍ലരറിന്റെ മറവിൽ പെണ്‍വാണിഭ സംഘത്തിന്റെ പ്രവര്‍ത്തനമെന്നാണ് ആരോപണം.

കൊച്ചി നഗരത്തിലെ  ഹൃദയ ഭാഗങ്ങളായ കലൂര്‍, പള്ളിമുക്ക്, ഇടപ്പള്ളി എന്നിവിടങ്ങിലാണ് പെണ്‍വാണിഭ സംഘങ്ങള്‍ പ്രവര്‍ത്തിച്ചു വരുന്നത്. മസ്സാജ് സെന്ററുകളിൽ വരുന്ന   പുരുഷന്മാര്‍ക്ക് മസ്സാജ് ചെയ്യാനായി സ്ത്രീകളെയാണ് നല്‍കുന്നത്. 30 മിനിറ്റിന് 1500 രൂപയും 1 മണിക്കൂറിന് 3000 രൂപയുമാണ് ഇതിനായി ഈടാക്കുന്നത്. പെണ്‍വാണിഭ സംഘങ്ങള്‍ കോളേജുകളില്‍ നിന്നും അയല്‍ സംസ്ഥാനങ്ങളില്‍ നിന്നുമുള്ള സ്ത്രീകളെയാണ് മസാജിങ്ങിനായി എത്തിക്കുന്നത്.

ഈ മസ്സാജ് സ്ഥാപനങ്ങളുടെ  നടത്തിപ്പുകാര്‍ക്ക് പ്രാദേശിക ഗുണ്ടാസംഘങ്ങളുടെ സഹായം ലഭിക്കുന്നുണ്ട്.കൂടാതെ ഇവിടെ എത്തുന്ന ഇടപാടുകാരില്‍ പലരും ഉന്നത പൊലീസ് ഉദ്യേഗസ്ഥരടക്കമുള്ളവരാണ്. നഗര മധ്യത്തില്‍ പരസ്യമായി പെണ്‍വാണിഭം നടത്തിയിട്ടും ഇത്തരക്കാരെ പിടികൂടാന്‍ പൊലീസ് യാതൊരു നടപടിക്കും തയാറാകുന്നില്ലെന്നും ആക്ഷേപമുണ്ട്