ആലപ്പുഴ: മന്തി റസ്റ്റോറന്റിന്റെ വിഷു പരസ്യ വിവാദത്തില് പ്രതികരണവുമായി നടൻ ഉണ്ണി മുകുന്ദൻ.
എല്ലാകാര്യങ്ങള്ക്കും ഒരുപരിധിയുണ്ടെന്ന് പറഞ്ഞ ഉണ്ണി മുകുന്ദൻ വിശ്വാസികളായ ആളുകളുടെ വികാരങ്ങളെ മാനിക്കാൻ പഠിക്കണമെന്നും പറഞ്ഞു.
ഇൻസ്റ്റാഗ്രാം സ്റ്റോറിയിലൂടെ ആയിരുന്നു നടന്റെ പ്രതികരണം. ‘എല്ലാത്തിനും ഒരു പരിധിയുണ്ട്! വിശ്വാസികളായ ആളുകളുടെ വികാരങ്ങളെ മാനിക്കാൻ ദയവായി പഠിക്കൂ. തികഞ്ഞ വെറുപ്പാണിത്’, എന്നാണ് ‘വിഷു പരസ്യ’ത്തിനൊപ്പം ഉണ്ണി മുകുന്ദൻ കുറിച്ചത്.
Whatsapp Group 1 | Whatsapp Group 2 |Telegram Group
ഒരു മെസേജിനും ഉണ്ണി മുകുന്ദൻ മറുപടി നല്കിയിട്ടുണ്ട്. ‘എനിക്ക് അതൊരു വിഷു പോസ്റ്റര് ആയിട്ട് തോന്നി. ഇത് ഇത്ര വലിയ പ്രശ്നം ആക്കുന്ന കണ്ടപ്പോള് ആണ് ഇങ്ങനെ ഒക്കെ പ്രതികരിക്കാന് തോന്നിയത്’, എന്നായിരുന്നു മെസേജ്.
ഇതിന്, “മിണ്ടാതിരിക്കുമ്പോഴെല്ലാം ഇത്തരം ഹീനമായ പ്രവർത്തികള് സാധാരണമായി കാണപ്പെടുകയാണ്. ഞാൻ നിങ്ങളുടെ സ്ഥിരം സിനിമക്കാരനല്ല, എൻ്റെ വിശ്വാസങ്ങളെക്കുറിച്ചുള്ള തമാശകള് ശരിയായ കാര്യവുമല്ല. എല്ലാ മതവികാരങ്ങളെയും ബഹുമാനിക്കുന്ന ആളാണ് ഞാന്. അതുകൊണ്ട് നിങ്ങള് എൻ്റേതും ബഹുമാനിക്കണമെന്ന്, എന്നെ പഠിപ്പിക്കാൻ ശ്രമിക്കുന്ന എല്ലാവരോടുമായി അഭ്യർത്ഥിക്കുകയാണ്. എല്ലാ മര്യാദകളിലും മതേതരത്വം പുലർത്തുക. എനിക്കിത് വെറുതെ ഒരു വിഷു പോസ്റ്റർ ആയിട്ട് തോന്നുന്നില്ല”, എന്നായിരുന്നു ഉണ്ണി മുകുന്ദൻ മറുപടിയായി കുറിച്ചത്.
