ദുബൈയിൽ കെട്ടിടത്തിന് മുകളിൽ നിന്ന് വീണ്  പരിക്കേറ്റ മലയാളി മരിച്ചു

ദുബൈ : കെട്ടിടത്തിന് മുകളിൽ നിന്ന് വീണ്  പരിക്കേറ്റ പ്രവാസി മലയാളി മരിച്ചു. കണ്ണൂർ ചൊക്ലി കടുക്ക ബസാറിലെ കുനിയില്‍ ആഇശാ മൻസിലില്‍ ആഖിബ് (32) ആണ് മരിച്ചത്.

ഇന്നലെ വൈകുന്നേരമാണ് മുഹൈസിന വാസല്‍ വില്ലേജിലെ കെട്ടിടത്തില്‍നിന്ന് വീണു പരിക്കേറ്റ നിലയില്‍ ഇദ്ദേഹത്തെ കണ്ടെത്തിയത്. ഉടൻ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

കുനിയില്‍ അസീസിന്റെയും സഫിയയുടെയും മകനാണ്. ഭാര്യ: റുഫ്‌സി. മക്കള്‍: അലീന അസീസി, അസ്‌ലാൻ. സഹോദരങ്ങള്‍: അമീൻ (ഖത്തർ), അഫീന. നിയമ നടപടിക്രമങ്ങള്‍ക്ക് ശേഷം ഖബറടക്കം പിന്നീട് നടക്കും.