കോട്ടയം: മഹാത്മ ഗാന്ധി കോട്ടയത്തു വന്നതിന്റെ നൂറാം വർഷികാഘോഷത്തിന്റെ ഭാഗമായി സിഡ്നി മോണ്ടിസോറി സ്കൂൾസ് വൈവിധ്യമാർന്ന പരിപാടികളോടെ ആഘോഷിക്കുന്നു. 2025 നവംബർ 14ന് രാവിലെ 9ന് ഗാന്ധിനഗറിലുള്ള സിഡ്നി മോണ്ടിസ്സോറി സ്കൂൾസ് കോർപ്പറേറ്റ് ഓഫീസിൽ ചാച്ചാജി – ബാപ്പുജി ജീവജ്വാല, കോട്ടയം മെഡിക്കൽ കോളജ് പ്രിൻസിപ്പൽ ഡോ. വറുഗീസ് പുന്നൂസ് തെളിക്കും. സംസ്ഥാന ബാസ്കറ്റ്ബോൾ താരം മിലൻ ജോസ് പോൾ ശിശുദിനപ്രതിജ്ഞ ചൊല്ലും.
15ന് 2 മണിക്ക് ഗാന്ധി വേഷമണിഞ്ഞ 100 കുട്ടി ഗാന്ധിജിമാരുടെ ഗാന്ധി ശിശു സ്മൃതി യാത്ര കുട്ടികളുടെ ആശുപത്രി സൂപ്രണ്ടൻന്റ് ഡോ.ജയപ്രകാശ് കെ.പി യാത്രക്കായി ദീപശിഖ തെളിയിക്കും തുടർന്ന് മഹാത്മഗാന്ധി യൂണിവേഴ്സിറ്റി വൈസ് ചാൻസലർ ഇൻ ചാർജ് .ഡോ.ജയചന്ദ്രൻ. ഫ്ലാഗ് ഓഫ് ചെയ്യും.
തുടർന്ന് പ്രത്യേകം തയ്യാറാക്കിയ മൂന്ന് കെ.എസ്.ആർ.ടി.സി ബസ്സുകളിൽ കുട്ടി ഗാന്ധികളും ചാച്ചാജി. ബാപ്പുജി ജീവജ്വാലയും ഗാന്ധിജിയുടെ ഛായാ ചിത്രവും വഹിച്ചുള്ള പ്രത്യേക വാഹനവും, വിവിധ വാഹനങ്ങളിൽ മാതാപിതാക്കൾ, സാംസ്ക്കാരിക – സാമൂഹ്യ നേതാക്കൾ എന്നിവരുടെ അകമ്പടിയോടെയും സ്മൃതി യാത്ര ഗാന്ധി സ്ക്വയറിലേക്ക് നീങ്ങും.
Whatsapp Group 1 | Whatsapp Group 2 |Telegram Group
ഗാന്ധിജി എത്തിയ കുമാരനല്ലൂർ ദേവീക്ഷേത്രം ഭാരവാഹികളും കോട്ടയം മുനിസിപ്പാലിറ്റി റീജനൽ ഓഫീസും ഗാന്ധി സ്മാരക നിധിയും കുമാരനല്ലൂരിൽ യാത്രയ്ക്ക് സ്വീകരണം നൽകും. ഗാന്ധിജി താമസിച്ച എം.ടി സെമിനാരി സ്കൂൾ കാമ്പസ്സിൽ കുട്ടികൾ പുഷ്പാർച്ചന അർപ്പിക്കും.
. മൂന്ന് മണിക്ക് ഗാന്ധി സ്ക്വയറിൽ എത്തിച്ചേരുന്ന സ്മൃതി യാത്ര ഗാന്ധി പ്രതിമക്ക് മുൻപിൽ പുഷ്പാർച്ചന നടത്തും.
തുടർന്ന് ലഹരിക്കെതിരെ സ്കൂളിന്റെ മൂന്നാം ഘട്ടമായുള്ള കൈയൊപ്പു ചാർത്തൽ വലിയ ക്യാൻവാസിൽ കുട്ടി ഗാന്ധികളുടെ നേതൃത്വത്തിൽ അരങ്ങേറും. തുടർന്ന് ലഹരിക്കെതിരെ പ്രതിജ്ഞ പ്രഖ്യാപനം നടക്കും. വട്ടമേശ പൊതുസമ്മേളനം മന്ത്രി വി.എൻ.വാസവൻ ഉദ്ഘാടനം ചെയ്യും.
തിരുവഞ്ചൂർ രാധാകൃഷ്ണൻ എം.എൽ.എ. അദ്ധ്യക്ഷത വഹിക്കുന്ന ചടങ്ങിൽ ലഹരി വിരുദ്ധ പ്രൊജക്ടിന്റെ മൂന്നാംഘട്ടം കെ. ഫ്രാൻസിസ് ജോർജ് എം.പി ഉദ്ഘാടനം ചെയ്യും. ജില്ലാ കളക്ടർ ചേതൻ കുമാർ മീണ ഐ.എ.എസ്, മുനിസിപ്പൽ ചെയർപേഴ്സൺ ബിൻസി സെബാസ്റ്റ്യൻ തുടങ്ങി രാഷ്ട്രീയ സാംസ്കാരിക നേതാക്കൾ ആശംസകൾ നേരും.
