ശരീരത്തിലെ അത്യന്തം പ്രധാനപ്പെട്ട അവയവങ്ങളിലൊന്നാണ് കരള്. ദഹനം, ഉപാപചയം, രോഗപ്രതിരോധം എന്നിവയുടെ നിയന്ത്രണത്തില് കരളിന് നിര്ണായകമായ പങ്കുണ്ട്.
കരളിൻ്റെ പ്രവർത്തനം തകരാറിലായാൽ അത് ജീവന് പോലും ഭീഷണിയായി മാറാറുണ്ട്. ദൈനംദിന ജീവിതത്തിൽ ചില കാര്യങ്ങൾ ശ്രദ്ധിക്കുന്നതിലൂടെ കരളിനെ സംരക്ഷിക്കാൻ കഴിയും.
പലപ്പോഴും മാറി കൊണ്ടിരിക്കുന്ന ഈ ജീവിതശൈലിയാണ് പല അസുഖങ്ങൾക്കും കാരണമാകുന്നത്. കരളിനെ സംരക്ഷിക്കാൻ അതിൻ്റെ പ്രവർത്തനങ്ങൾക്ക് അനുയോജ്യമായ ഭക്ഷണം കഴിക്കാൻ ശ്രമിക്കേണ്ടത് വളരെ പ്രധാനമാണ്. കരളിന് കേടുപാടുകൾ സംഭവിക്കുമ്പോൾ, ഭക്ഷണം ശരിയായി സംസ്കരിക്കാൻ കഴിയാതെ വരികയും ഇത് മറ്റ് പല ആരോഗ്യപ്രശ്നങ്ങളിലേക്കും നയിക്കുകയും ചെയ്യും.
Whatsapp Group 1 | Whatsapp Group 2 |Telegram Group
കരളിന് ഉത്തമമായ ഭക്ഷണങ്ങള് ഇവയൊക്കെയാണ്
പച്ച ഇലക്കറികള്: ചീര, ബ്രോക്കോളി തുടങ്ങിയ ക്രൂസിഫറസ് പച്ചക്കറികള് കരളിലെ വിഷാംശം നീക്കം ചെയ്യാനും കൊഴുപ്പ് കുറയ്ക്കാനും സഹായിക്കുന്നു.
കൊഴുപ്പുള്ള മത്സ്യം: സാല്മണ്, സാർഡിൻ എന്നിവയില് ഒമേഗ-3 ഫാറ്റി ആസിഡുകള് ധാരാളമുണ്ട്. ഇത് കരളിലെ കൊഴുപ്പും വീക്കവും കുറയ്ക്കാൻ സഹായിക്കുന്നു.
ബെറികള്: പോളിഫെനോളുകള് ധാരാളം അടങ്ങിയ ബെറികള് വീക്കം കുറയ്ക്കുകയും കരളിന്റെ ആരോഗ്യത്തെ സംരക്ഷിക്കുകയും ചെയ്യുന്നു.
കാപ്പി: മിതമായ അളവില് കാപ്പി കുടിക്കുന്നത് (ഒരു ദിവസം 2-3 കപ്പ്) കരള് കാൻസർ, സിറോസിസ് എന്നിവയ്ക്കുള്ള സാധ്യത കുറയ്ക്കുന്നതായി പഠനങ്ങള് പറയുന്നു.
നട്ട്സും വിത്തുകളും: വാള്നട്ടും ഫ്ളാക്സ് സീഡുകളും വിറ്റാമിൻ E, ഒമേഗ-3 എന്നിവയുടെ മികച്ച ഉറവിടമാണ്. ഇത് കരള് എൻസൈമുകളുടെ അളവ് കുറയ്ക്കാൻ സഹായിക്കും.
മഞ്ഞള്: മഞ്ഞളിലുള്ള കുർക്കുമിൻ കരളിന് സംരക്ഷണം നല്കുകയും വീക്കം തടയുകയും ചെയ്യും.
ഇനി നിങ്ങൾ ഒഴിവാക്കേണ്ട ഭക്ഷണങ്ങള്:
മദ്യം: ഫാറ്റി ലിവർ രോഗത്തിനുള്ള പ്രധാന കാരണമാണ് മദ്യം. ഇത് കരളിന് ഗുരുതരമായ കേടുപാടുകള് ഉണ്ടാക്കുന്നു. കരളിന്റെ ആരോഗ്യം സംരക്ഷിക്കാൻ മദ്യപാനം ഒഴിവാക്കുക.
വറുത്ത ഭക്ഷണങ്ങള്, ചുവന്ന മാംസം: ഇവയില് ഉയർന്ന അളവില് പൂരിത കൊഴുപ്പുകള് അടങ്ങിയിരിക്കുന്നതിനാല് കരളില് കൊഴുപ്പ് അടിഞ്ഞുകൂടാൻ കാരണമാകും.
സംസ്കരിച്ച മാംസം: നൈട്രേറ്റുകള്, സോഡിയം തുടങ്ങിയ ഹെപ്പറ്റോടോക്സിക് പോഷകങ്ങള് അടങ്ങിയിട്ടുള്ളതിനാല് ഇത് കരളിന്റെ ആരോഗ്യത്തിന് ദോഷകരമാണ്.
പഞ്ചസാര അടങ്ങിയ പാനീയങ്ങളും ലഘുഭക്ഷണങ്ങളും: സോഡ, പഴച്ചാറുകള്, മധുരപലഹാരങ്ങള് തുടങ്ങിയവ ഫാറ്റി ലിവർ രോഗത്തിനുള്ള സാധ്യത വർദ്ധിപ്പിക്കുന്നു.
