ഒരു പ്രമാണം റജിസ്റ്റർ ചെയ്യുന്നതിന് 1500 രൂപ കൈക്കൂലി ; മൂന്നു പ്രമാണങ്ങൾ റജിസ്റ്റർ ചെയ്യുന്നത് 4500 രൂപ; കൈക്കൂലി വാങ്ങിയതിന് കുണ്ടറ സബ് റജിസ്ട്രാർ ഓഫിസ് ജീവനക്കാരൻ വിജിലൻസ് പിടിയിൽ

സ്വന്തം ലേഖകൻ

കുണ്ടറ∙ പ്രമാണം റജിസ്റ്റർ ചെയ്യുന്നതിനു കൈക്കൂലി വാങ്ങുന്നതിനിടെ സബ് റജിസ്ട്രാർ ഓഫിസ് ജീവനക്കാരനെ വിജിലൻസ് പിടികൂടി. കുണ്ടറ സബ് റജിസ്ട്രാർ ഓഫിസിലെ ഓഫിസ് അസിസ്റ്റന്റ് പെരിനാട് സ്വദേശി സുരേഷ് ആണ് പിടിയിലായത്.

ഒരു പ്രമാണം റജിസ്റ്റർ ചെയ്യുന്നതിന് 1500 രൂപ ആണ് ആവശ്യപ്പെട്ടത്. പരാതിക്കാരന്റെ 3 പ്രമാണം റജിസ്റ്റർ ചെയ്യുന്നത് 4500 രൂപയാണ് സുരേഷ് ആവശ്യപ്പെട്ടതിൽ.

അതിൽ 4000 രൂപ കൊടുക്കുന്നതിനിടെയാണ് വിജിലൻസ് പിടികൂടിയത്. റജിസ്ട്രാർ ഓഫിസറെ വിജിലൻസ് ചോദ്യം ചെയ്തു വരികയാണ്.