ജീവനക്കാർക്ക് കൂട്ടത്തോടെ കൊവിഡ്; നഗരസഭയുടെ കുമാരനല്ലൂരിലെ സോണൽ ഓഫിസ് അടച്ചു; കോവിഡ് മൂന്നാം തരംഗത്തിൽ കോട്ടയം നഗരസഭയുടെ ഒരു ഓഫിസ് അടച്ചിടുന്നത് ഇതാദ്യം

സ്വന്തം ലേഖകൻ

കുമാരനല്ലൂർ: ജീവനക്കാർക്ക് കൂട്ടത്തോടെ കൊവിഡ് സ്ഥിരീകരിച്ചതോടെ നഗരസഭയുടെ കുമാരനല്ലൂരിലെ സോണൽ ഓഫിസ് അടച്ചു. കോവിഡ് മൂന്നാം തരംഗത്തിൽ ആദ്യമായാണ് കോട്ടയം നഗരസഭയുടെ ഒരു ഓഫിസ് അടച്ചിടുന്നത്.

ജില്ലയിൽ കോവിഡ് രോഗികളുടെ എണ്ണം ക്രമാതീതമായി ഉയരുന്ന സാഹചര്യത്തിൽ ആണ് ഇപ്പോൾ സോണൽ ഓഫിസും അടച്ചത്. ഈ സാഹചര്യത്തിൽ ജീവനക്കാരും, ഇവരുമായി സമ്പർക്കത്തിലായവരും കൊവിഡ് പരിശോധന നടത്തണമെന്ന് ആരോഗ്യ വകുപ്പ് അധികൃതർ ആവശ്യപ്പെട്ടു.