കുമരകം പുത്തൻ റോഡിന് സമീപം ബൈക്കുകൾ കൂട്ടി ഇടിച്ച് അപകടം: 2 പേർക്ക് പരിക്കേറ്റ

സ്വന്തം ലേഖകൻ
കുമരകം: കുമരകം ചേർത്തല പ്രധാന റോഡിൽ പുത്തൻ റോഡിന് സമീപം ബൈക്കുകൾ തമ്മിൽ കൂട്ടി ഇടിച്ച് അപകടം. ഇന്നലെ രാത്രി 10 മണിക്ക് ശേഷമാണ് അപകടം സംഭവിച്ചത്. 2 പേർക്ക് പരിക്കേറ്റു.

മുൻപേ പോയ ബൈക്ക് പ്രധാന റോഡിൽനിന്നും തിരിയുവാൻ ശ്രമിക്കവേ പിന്നിൽ നിന്നു വന്ന ബൈക്ക് ഇടിക്കുകയായിരുന്നു എന്നാണ് പ്രാഥമിക വിവരം. ഇടിയുടെ ആഘാതത്തിൽ ബൈക്കുകൾക്ക് കാര്യമായ കേടുപാടുകൾ സംഭവിച്ചു.

അപകടത്തിൽ പരിക്കേറ്റ ബൈക്ക് യാത്രികരെ കുമരകം എസ്.എച്ച് ആശുപത്രിയിൽ പ്രാഥമിക ചികിത്സക്കായി എത്തിച്ചു.