കെഎസ്ആർടിസി ബസ് സ്റ്റാൻഡ്പോലെ തകർന്നു തരിപ്പണമായി കാന്റീനും; കംഫർട്ട് സ്റ്റേഷനുള്ള വൃത്തിപോലുമില്ലാതെ കോട്ടയം കെ എസ് ആർ ടി സി കാന്റീൻ; വ‍ൃത്തിഹീനമായ അടുക്കളയുടെ ചിത്രം പങ്കുവെച്ച് ട്രോൾ കോട്ടയം

കോട്ടയം: കെ.എസ്.ആർ.ടി.സി ബസ് സ്റ്റാൻഡിനു സമീപത്ത് പ്രവർത്തിക്കുന്ന കാന്റീന് കംഫർട്ട് സ്റ്റേഷനുള്ള വൃത്തിപോലുമില്ലെന്ന് തെളിയിക്കുന്ന അടുക്കളയുടെ ചിത്രങ്ങൾ പങ്കുവെച്ച് ട്രോൾ കോട്ടയം.

ആയിരക്കണക്കിന് ആളുകൾ വന്നുപോകുന്ന ന​ഗരത്തിലെ കെഎസ്ആർടിസി യുടെ കാന്റീൻ സ്റ്റാൻഡ് പോലെ തന്നെ തകർന്ന് തരിപ്പണമായ അവസ്ഥയിലാണ് ഇപ്പോൾ

മുൻപും ഈ കാന്റീന്റെ വൃത്തിയില്ലായ്മയെക്കുറിച്ച് നിരവധി പരാതികൾ ഉയർന്നിട്ടുണ്ട്. കാന്റീന്റെ പരിസരം അങ്ങേയറ്റം വൃത്തിഹീനമായ അവസ്ഥയിലാണ് ഉള്ളത്.


ട്രോൾ കോട്ടയം കാന്റീന്റെ അടുക്കളയുടെയും പരിസരത്തിന്റെയും ചിത്രങ്ങൾ ഉൾപ്പെടെ പോസ്റ്റ് ഇട്ടതോടെ നിരവധി ആളുകൾ പ്രതികരണവുമായി വന്നിട്ടുണ്ട്.