സ്ത്രീയേയും കുട്ടിയെയും സ്റ്റോപ്പിൽ ഇറക്കാതെ കെഎസ്ആർടിസി; യാത്രക്കാർ ബഹളം വച്ചതോടെ നിർത്തിയത് അ‌ഞ്ച് കിലോമീറ്റർ കഴിഞ്ഞ്

സ്വന്തം ലേഖിക

തൃ​ശൂ​ർ: സ്ത്രീ​യെ​യും കു​ട്ടി​യെ​യും സ്റ്റോ​പ്പി​ൽ ഇ​റ​ക്കാ​തെ അ​ഞ്ചു കി​ലോ​മീ​റ്റ​ർ അ​പ്പു​റ​ത്ത് ഇ​റ​ക്കി വി​ട്ട് കെഎസ്ആ​ർ​ടി​സി സൂ​പ്പ​ർ ഫാ​സ്റ്റ് ബ​സി​ലെ ഡ്രൈ​വ​ർ. ഇ​ന്ന​ലെ രാ​വി​ലെ എ​റ​ണാ​കു​ള​ത്തുനി​ന്നു കോ​ഴി​ക്കോ​ട് ഭാ​ഗ​ത്തേ​ക്കു പോ​യി​രു​ന്ന ആ​ർ​പി​കെ 166 ന​മ്പർ ബ​സി​ലാ​ണ് സം​ഭ​വം.

പാ​ലി​യേ​ക്ക​ര ടോ​ളി​ൽനി​ന്നു നേ​രേ ദേ​ശീ​യപാ​ത വ​ഴി വ​ന്ന ബ​സി​ൽ കു​ട്ട​നെ​ല്ലൂ​രി​ൽ ഇ​റ​ങ്ങ​ണ​മെ​ന്നു സ്ത്രീ ​ആ​വ​ശ്യ​പ്പെ​ട്ടു. ക​ണ്ട​ക്ട​ർ ബെ​ല്ല​ടി​ച്ചെ​ങ്കി​ലും ഡ്രൈ​വ​ർ നി​ർ​ത്തി​യി​ല്ല. പി​ന്നീ​ടു ജൂ​ബി​ലി മി​ഷ​ൻ ആ​ശു​പ​ത്രി​യെ​ത്തി​യി​ട്ടും ബ​സ് നി​ർ​ത്താ​തെ വ​ന്ന​പ്പോ​ൾ യാ​ത്ര​ക്കാ​ർ ബ​ഹ​ളം കൂ​ട്ടി​യ​തോ​ടെ​യാ​ണ് ഡ്രൈ​വ​ർ നി​ർ​ത്തി​യ​ത്.

പി​ന്നീ​ട് സ്ത്രീ​യും കു​ട്ടി​യും ഇ​വി​ടെ​യി​റ​ങ്ങി തി​രി​ച്ചുപോ​കാ​ൻ വേ​റെ വ​ഴിതേ​ടു​ക​യാ​യി​രു​ന്നു.സ്ത്രീ​യെ​യും കു​ട്ടി​യെ​യും അ​വ​രു​ടെ സ്റ്റോ​പ്പി​ൽ ഇ​റ​ക്കാ​തെ പെ​രു​വ​ഴി​യി​ൽ ഇ​റ​ക്കി​വി​ട്ട​തി​നെ​തി​രെ ചി​ല​ർ ഡ്രൈ​വ​റോ​ടും ക​ണ്ട​ക്ട​റോ​ടും ത​ട്ടി​ക്ക​യ​റി. യാ​ത്ര​ക്കാ​രു​ടെ പ്ര​തി​ഷേ​ധ​ത്തെ വ​ക​വ​യ്ക്കാ​തെ​യാ​ണ് പി​ന്നീ​ടും യാ​ത്ര തു​ട​ർ​ന്ന​ത്.