ഇടുക്കി സ്വദേശിയെ കോഴിക്കോട് റെയിൽവേ പാളത്തിൽ മരിച്ച നിലയിൽ കണ്ടെത്തി

കോഴിക്കോട്: പയ്യോളി റെയിൽ പാളത്തിൽ പുരുഷൻ്റെ മൃതദേഹം കണ്ടെത്തി. ഇടുക്കി വാഴത്തോപ്പിൽ സ്വദേശി വിനോദാണ് മരിച്ചത്. ചിന്നിച്ചിതറിയ നിലയിലായിരുന്നു മൃതദേഹം. ട്രെയിനിടിച്ച് മരിച്ചതാകാമെന്നാണ് പോലീസ് നിഗമനം.

ഇന്ന് രാവിലെയായിരുന്നു പയ്യോളി രണ്ടാം ഗേറ്റിന് സമീപം മൃതദേഹം കണ്ടെത്തിയത്. ടിഡിആർഎഫ് വളണ്ടിയർമാരും പോലീസും സ്ഥലത്തെത്തിയാണ് മൃതദേഹം റെയിൽ പാളത്തിൽ നിന്നും നീക്കം ചെയ്തത്.