തമിഴനാട് സ്വദേശിയുടെ ഹൃദയം ഇനി ആലപ്പുഴക്കാരന്റെ ഉള്ളിൽ തുടിക്കും : കോട്ടയം മെഡിക്കൽ കോളേജിൽ ഹൃദയമാറ്റ ശാസ്ത്രക്രിയ

കോട്ടയം: മെഡിക്കൽ കോളജിൽ പത്താമത്തെ ഹൃദയമാറ്റ ശസ്ത്രക്രിയ വിജയകരമായി പൂർത്തിയായി. തമിഴ്നാട്ടുകാരനായ യുവാവിന്റെ ഹൃദയം ആലപ്പുഴ സ്വദേശിയായ 26കാരനിലാണു മാറ്റിവയ്ക്കുന്നത്. തിരുവനന്തപുരം കിംസ് ആശുപത്രിയിൽനിന്ന് കഴിഞ്ഞ വ്യാഴാഴ്ച രാവിലെ 7 മണിയോടെ അവയവം കോട്ടയം മെഡിക്കൽ കോളജിൽ എത്തിച്ചു. തുടർന്ന് മെഡിക്കൽ കോളജ് സൂപ്രണ്ട് ഡോ. ടി.കെ. ജയകുമാറിന്റെ നേതൃത്വത്തിലാണു ശസ്ത്രക്രിയ നടന്നത്. ഇതിന് മുൻപ് 3 കരള്‍ മാറ്റിവയ്ക്കല്‍ ശസ്ത്രക്രിയയും നടന്നിട്ടുണ്ട്.