കോട്ടയം കെകെ റോഡിൽ കാറും ആമസോണിന്റെ ഡെലിവറി വാനും കൂട്ടിയിടിച്ച് അപകടം; ഡെലിവറി വാനിന്റെ ഡ്രൈവർക്ക് പരിക്ക്

സ്വന്തം ലേഖകൻ

കോട്ടയം: കോട്ടയം കളത്തിപ്പടിയിൽ വാഗണർ കാറും ആമസോണിന്റെ ഡെലിവറി വാനും കൂട്ടിയിടിച്ച് അപകടം. ഡെലിവറി വാനിന്റെ ഡ്രൈവർക്ക് പരിക്കേറ്റു.

വെള്ളിയാഴ്ച വൈകിട്ട് ആറരയോടെയായിരുന്നു സംഭവം.

കെ.കെ റോഡിൽ കഞ്ഞിക്കുഴി ഭാഗത്തു നിന്നും മണർകാട് ഭാഗത്തേയ്ക്കു പോകുകയായിരുന്നു ഡെലിവറി വാനിൽ എതിർദിശയിൽ നിന്നും നിയന്ത്രണം വിട്ട് വന്ന കാർ ഇടിക്കുകയായിരുന്നു.

അപകടത്തെ തുടർന്നു വാനിന്റെ ഡ്രൈവറുടെ തല ഗ്ലാസിൽ ഇടിക്കുകയും ,​ ഗ്ലാസ് പൊട്ടി തലയിൽ മുറിവ് സംഭവിക്കുകയും ചെയ്തു.

പരിക്കേറ്റ വാൻ ഡ്രൈവറെ നാട്ടുകാർ ചേർന്ന് ആശുപത്രിയിൽ പ്രവേശിപ്പിച്ചു. അപകടത്തെത്തുടർന്ന് കെ.കെ റോഡിൽ ഗതാഗതക്കുരുക്ക് ഉണ്ടായി.