കോട്ടയം ജില്ലയിൽ 15 പേർക്കു കൂടി കോവിഡ്; സമ്പർക്കത്തിലൂടെ നാലു പേർക്കു രോഗം; ജില്ലയിൽ കോവിഡ് ഭീതി പടരുന്നു
സ്വന്തം ലേഖകൻ
കോട്ടയം: ആരോഗ്യ പ്രവർത്തകയും സമ്പർക്കത്തിലൂടെ രോഗബാധിതരായ നാലു പേരും ഉൾപ്പെടെ 15 പേർക്കു കൂടി കോട്ടയം ജില്ലയിൽ കോവിഡ് സ്ഥിരീകരിച്ചു. പത്തനംതിട്ട എഴുമാന്തുരുത്തിൽ രോഗം സ്ഥിരീകരിച്ച ആരോഗ്യപ്രവർത്തകൻറെ സമ്പർക്കപ്പട്ടികയിലുണ്ടായിരുന്ന അയ്മനത്തെ ഒരു കുടുംബത്തിലെ മൂന്നു പേർക്കും ഇവരുടെ ബന്ധുവായ വെച്ചൂർ സ്വദേശിനിക്കുമാണ് സമ്പർക്കത്തിലൂടെ രോഗബാധയുണ്ടായത്.
പാറത്തോട്ടിൽ മസ്‌കറ്റിൽനിന്നെത്തിയ ഒരു കുടുംബത്തിലെ മൂന്നു പേർ രോഗബാധിതരായി.
Whatsapp Group 1 | Whatsapp Group 2 |Telegram Group
രോഗം ബാധിച്ചവരിൽ 13 പേർ ഹോം ക്വാറൻറയിനിലും ഒരാൾ ക്വാറൻറയിൻ കേന്ദ്രത്തിലും ഒരാൾ ആശുപത്രിയിലും നിരീക്ഷണത്തിലായിരുന്നു. ഏഴു പേർ വിദേശത്തുനിന്നും മൂന്നു പേർ മറ്റു സംസ്ഥാനങ്ങളിൽനിന്നും എത്തിയവരാണ്. എട്ടു പേർക്ക് രോഗലക്ഷണങ്ങൾ ഉണ്ടായിരുന്നു. രോഗം ബാധിച്ചവരിൽ മൂന്നു പേർ പത്തു വയസിൽ താഴെയുള്ള കുട്ടികളാണ്.
ജില്ലയിൽ ആറു പേർകൂടി രോഗമുക്തരായി. നിലവിൽ 134 പേരാണ് ചികിത്സയിലുള്ളത്.
കോട്ടയം ജനറൽ ആശുപത്രി-36, പാലാ ജനറൽ ആശുപത്രി- 27, കോട്ടയം മെഡിക്കൽ കോളേജ് ആശുപത്രി -24, മുട്ടമ്പലം ഗവൺമെൻറ് വർക്കിംഗ് വിമൻസ് ഹോസ്റ്റലിലെ പ്രാഥമിക പരിചരണ കേന്ദ്രം-27 , അകലക്കുന്നം പ്രാഥിക പരിചരണ കേന്ദ്രം-16, എറണാകുളം മെഡിക്കൽ കോളേജ് ആശുപത്രി-2, മഞ്ചേരി മെഡിക്കൽ കോളേജ് ആശുപത്രി-1, ഇടുക്കി മെഡിക്കൽ കോളേജ്-1, എന്നിങ്ങനെയാണ് വിവിധ കേന്ദ്രങ്ങളിൽ ചികിത്സയിൽ കഴിയുന്നവരുടെ കണക്ക്.
സമ്പർക്കത്തിലൂടെ രോഗം ബാധിച്ചവർ
1. പത്തനംതിട്ട എഴുമാന്തുരുത്തിൽ രോഗം സ്ഥിരീകരിച്ച ആരോഗ്യപ്രവർത്തകൻറെ പ്രാഥമിക സമ്പർക്കപ്പട്ടികയിൽ ഉൾപ്പെട്ട അയ്മനം സ്വദേശി(47). രോഗലക്ഷണങ്ങൾ ഉണ്ടായിരുന്നു.
2. രോഗം സ്ഥിരീകരിച്ച അയ്മനം സ്വദേശിയുടെ ഭാര്യ(40). പത്തനംതിട്ട എഴുമാന്തുരുത്തിൽ രോഗം സ്ഥിരീകരിച്ച ആരോഗ്യപ്രവർത്തകൻറെ പ്രാഥമിക സമ്പർക്കപ്പട്ടികയിൽ ഉൾപ്പെട്ടിരുന്നു. രോഗലക്ഷണങ്ങൾ ഉണ്ടായിരുന്നു.
3. രോഗം സ്ഥിരീകരിച്ച അയ്മനം സ്വദേശിയുടെ മകൾ(9). പത്തനംതിട്ട എഴുമാന്തുരുത്തിൽ രോഗം സ്ഥിരീകരിച്ച ആരോഗ്യപ്രവർത്തകൻറെ പ്രാഥമിക സമ്പർക്കപ്പട്ടികയിൽ ഉൾപ്പെട്ടിരുന്നു. രോഗലക്ഷണങ്ങൾ ഉണ്ടായിരുന്നു.
4. രോഗം സ്ഥിരീകരിച്ച അയ്മനം സ്വദേശിയുടെ ഭാര്യാ സഹോദരി(42). വെച്ചൂർ സ്വദേശിനിയാണ്. പത്തനംതിട്ട എഴുമാന്തുരുത്തിൽ രോഗം സ്ഥിരീകരിച്ച ആരോഗ്യപ്രവർത്തകൻറെ സമ്പർക്കപ്പട്ടികയിൽ ഉൾപ്പെട്ടിരുന്നു. രോഗലക്ഷണങ്ങൾ ഉണ്ടായിരുന്നു.
ആരോഗ്യ പ്രവർത്തക
5. ചേർത്തല താലൂക്ക് ആശുപത്രിയിലെ കോവിഡ് വാർഡിൽ ജോലി ചെയ്ത ശേഷം ഹോം ക്വാറൻറയിനിൽ കഴിഞ്ഞിരുന്ന തലയോലപ്പറമ്പ് സ്വദേശിനിയായ സ്റ്റാഫ് നഴ്‌സ്(42). രോഗലക്ഷണങ്ങൾ ഇല്ലായിരുന്നു.
മറ്റുള്ളവർ
6. ഹൈദരാബാദിൽനിന്നും ജൂലൈ രണ്ടിന് വിമാനത്തിൽ എത്തി ഹോം ക്വാറൻറയിനിൽ കഴിഞ്ഞിരുന്ന പനച്ചിക്കാട് സ്വദേശി(23). രോഗലക്ഷണങ്ങൾ ഇല്ലായിരുന്നു.
7. മസ്‌കറ്റിൽനിന്നും ജൂൺ 23ന് എത്തി ഹോം ക്വാറൻറയിനിൽ കഴിഞ്ഞിരുന്ന പാറത്തോട് സ്വദേശിനി(28). രോഗലക്ഷണങ്ങൾ ഇല്ലായിരുന്നു.
8. രോഗം സ്ഥിരീകരിച്ച പാറത്തോട് സ്വദേശിനിക്കൊപ്പം മസ്‌കറ്റിൽനിന്നെത്തിയ ഭർതൃമാതാവ്(62). രോഗലക്ഷണങ്ങൾ ഉണ്ടായിരുന്നു.
9. രോഗം സ്ഥിരീകരിച്ച പാറത്തോട് സ്വദേശിനിക്കൊപ്പം മസ്‌കറ്റിൽനിന്നെത്തിയ മകൻ (2). രോഗലക്ഷണങ്ങൾ ഇല്ലായിരുന്നു.
10. കുവൈറ്റിൽനിന്നും ജൂൺ 25ന് എത്തി ഹോം ക്വാറൻറയിനിൽ കഴിഞ്ഞിരുന്ന തുരുത്തി സ്വദേശി(24). രോഗലക്ഷണങ്ങൾ ഉണ്ടായിരുന്നു.
11. ഷാർജയിൽനിന്നും ജൂൺ 28ന് എത്തി ഹോം ക്വാറൻറയിനിൽ കഴിഞ്ഞിരുന്ന മാടപ്പള്ളി സ്വദേശി(28). രോഗലക്ഷണങ്ങൾ ഇല്ലായിരുന്നു.
12. ദുബായിൽനിന്നും ജൂൺ 26ന് എത്തി ഹോം ക്വാറൻറയിനിൽ കഴിഞ്ഞിരുന്ന ചിറക്കടവ് സ്വദേശി(40). രോഗലക്ഷണങ്ങൾ ഉണ്ടായിരുന്നു.
13. ജൂലൈ എട്ടിന് രോഗം സ്ഥിരീകരിച്ച് കോട്ടയം മെഡിക്കൽ കോളേജ് ആശുപത്രിയിൽ കഴിയുന്ന ചങ്ങനാശേരി പൊങ്ങന്താനം സ്വദേശിനിയുടെ മകൻ(6). അമ്മയ്‌ക്കൊപ്പം ജൂൺ 26ന് ഡൽഹിയിൽനിന്ന് എത്തി. ജൂലൈ എട്ടു മുതൽ ആശുപത്രിയിലാണ്. രോഗലക്ഷണങ്ങൾ ഉണ്ടായിരുന്നു.
14. മസ്‌കറ്റിൽനിന്നും ജൂൺ 28ന് എത്തി കോതനല്ലൂരിലെ ക്വാറൻറയിൻ കേന്ദ്രത്തിൽ കഴിഞ്ഞിരുന്ന എരുമേലി സ്വദേശി(59). രോഗലക്ഷണങ്ങൾ ഇല്ലായിരുന്നു.
15. മുംബൈയിൽനിന്നും ട്രെയിനിൽ ജൂൺ 29ന് എത്തി ഹോം ക്വാറൻറയിനിൽ കഴിഞ്ഞിരുന്ന മാഞ്ഞൂർ സ്വദേശിനി(28). രോഗലക്ഷണങ്ങൾ ഇല്ലായിരുന്നു.
രോഗമുക്തരായവർ
1. ഡൽഹിയിൽനിന്ന് എത്തി ജൂൺ 24ന് രോഗം സ്ഥിരീകരിച്ച രാമപുരം സ്വദേശി(37)
2. ഡൽഹിയിൽനിന്ന് എത്തി ജൂൺ 25ന് രോഗം സ്ഥിരീകരിച്ച കറുകച്ചാൽ സ്വദേശിനി(46)
3. രോഗമുക്തയായ കറുകച്ചാൽ സ്വദേശിനിയുടെ മകൾ(19). ഡൽഹിയിൽനിന്ന് എത്തി ജൂൺ 27നാണ് രോഗം സ്ഥിരീകരിച്ചത്.
4. രോഗമുക്തയായ കറുകച്ചാൽ സ്വദേശിനിയുടെ മകൻ(16). ഡൽഹിയിൽനിന്ന് എത്തി ജൂൺ 27നാണ് രോഗം സ്ഥിരീകരിച്ചത്.
5. രോഗമുക്തയായ കറുകച്ചാൽ സ്വദേശിനിയുടെ സഹോദരി(40). ഡൽഹിയിൽനിന്ന് എത്തി ജൂൺ 27നാണ് രോഗം സ്ഥിരീകരിച്ചത്.
6.ഡൽഹിയിൽനിന്ന് എത്തി ജൂലൈ ഒന്നിന് രോഗം സ്ഥിരീകരിച്ച പായിപ്പാട് സ്വദേശി(45).
