കോട്ടയത്ത് കുടിച്ച് ഫിറ്റായി വാഹനമോടിച്ച് യുവതി;സ്കൂട്ടറിൽ കാറിടിച്ചു;നാട്ടുകാർ ചോദ്യം ചെയ്തതോടെ കൂടുതൽ അക്രമാസക്തയായി;ചിങ്ങവനം പൊലീസ് കസ്റ്റഡിയിലെടുത്തു

കോട്ടയം : തുരുത്തിയിൽ മദ്യപിച്ച് കാറോടിച്ച് അപകടമുണ്ടാക്കിയ യുവതി, അത് ചോദ്യം ചെയ്ത നാട്ടുകാരെ കയ്യേറ്റം ചെയ്തു.

Link

Embed

Copy and paste this HTML code into your webpage to embed.

കുറിച്ചി സ്വദേശി ജോമി ജോസഫാണ് അപകടമുണ്ടാക്കിയത്. അപകടകരമായി വാഹനം ഓടിച്ച കുറ്റം ചുമത്തി യുവതിക്കെതിരെ പൊലീസ് കേസ് എടുത്തു.

ഞായറാഴ്ച വൈകീട്ട് അഞ്ചരയോടെയാണ് സംഭവം. എം സി റോഡിൽ തുരുത്തിക്ക് സമീപം സ്കൂട്ടറിൽ കാറിടിച്ചു.

ഇതിന് പിന്നാലെ ഓടിക്കൂടിയ നാട്ടുകാരോടാണ് യുവതി തട്ടിക്കയറിയത്. ജോമി മദ്യപിച്ച് വാഹനം ഓടിച്ചത് നാട്ടുകാർ ചോദ്യം ചെയ്തതോടെ യുവതി കൂടുതൽ അക്രമാസക്തയായി.

ഇതോടെ നാട്ടുകാരിൽ ചിലർ ജോമിയെയും മർദ്ദിച്ചു.

ചിങ്ങവനം പൊലീസ് ജോമിയെ കസ്റ്റഡിയിലെടുത്തു. അപകടകരമായി വാഹനം ഓടിച്ചതിന് മാത്രമാണ് നിലവിൽ കേസെടുത്തത്.
ജോമിയെ സ്റ്റേഷൻ ജാമ്യത്തിൽ വിട്ടു