കോട്ടയം : സ്വസ്ഥി ചാരിറ്റബിൾ ട്രസ്റ്റിന്റെ(അയ്മനം) ആഭിമുഖ്യത്തിൽ ഭിന്നശേഷിക്കാരായ സഹോദരങ്ങളുടെ ഉന്നമനത്തിനായി വേമ്പനാട്ട് കായലിലൂടെ പ്രത്യേക ബോട്ട് യാത്ര സംഘടിപ്പിച്ചു.
വിവിധ സ്ഥലങ്ങളിൽ നിന്നെത്തിയ ഭിന്നശേഷിക്കാരായ സഹോദരങ്ങൾ പങ്കെടുത്ത യാത്ര സ്നേഹവും സന്തോഷവും നിറഞ്ഞ ഹൃദയസ്പർശിയായ അനുഭവമായി മാറി.
വേമ്പനാട്ട് കായലിന്റെ മനോഹാരിത ആസ്വദിച്ച യാത്രയിൽ ചിരികളും പാട്ടുകളും സന്തോഷ നിമിഷങ്ങളും നിറഞ്ഞുനിന്നു.
Whatsapp Group 1 | Whatsapp Group 2 |Telegram Group
യാത്രയുടെ ഭാഗമായി പ്രിയ അനീഷ് കുമരകത്തിന്റെ ജന്മദിനാഘോഷവും ഉണ്ടായിരുന്നു.
എല്ലാവരും ചേർന്ന് ആഘോഷം പങ്കുവെച്ചത് പരിപാടിക്ക് കൂടുതൽ മധുരം പകർന്നു.
കൂട്ടായ്മയുടെയും കരുതലിന്റെയും സന്ദേശം ഉയർത്തിക്കാട്ടിയ ഈ യാത്ര ഭിന്നശേഷിക്കാരായ സഹോദരങ്ങൾക്ക് ഏറെ സന്തോഷവും ആത്മവിശ്വാസവും നൽകി.
ഒരുമിച്ച് യാത്ര ചെയ്യുമ്പോൾ വഴികളും മനോഹരമാകും; സ്നേഹം കൂടെയുണ്ടെങ്കിൽ ജീവിതവും കൂടുതൽ മനോഹരമാകും” എന്ന സന്ദേശം പങ്കുവെച്ച പരിപാടി എല്ലാവർക്കും മറക്കാനാവാത്ത ഓർമ്മയായി.
