കേരള എൻ.ജി.ഒ. അസോസിയേഷൻ ജില്ലാ ട്രഷറിയ്ക്ക് മുമ്പിൽ പ്രതിഷേധ കൂട്ടായ്മ നടത്തി

സ്വന്തം ലേഖകൻ

കോട്ടയം: ട്രഷറി വകുപ്പിലെ ഓഫീസ് അറ്റൻഡന്റുമാരുടെ 10% പ്രമോഷൻ ഉടൻ നടപ്പിലാക്കുക , രാഷ്ട്രീയ പ്രേരിത സ്ഥലമാറ്റങ്ങളും പ്രതികാര നടപടികളും അവസാനിപ്പിക്കുക , വഞ്ചിയൂർ ട്രഷറി തട്ടിപ്പ് സമഗ്ര അന്വേഷണം നടത്തുക ,

ട്രഷറി സോഫ്റ്റ് വെയർ അപാകതകൾ പരിഹരിക്കുക തുടങ്ങിയ ആവശ്യങ്ങൾ ഉന്നയിച്ച് കേരള എൻ ജി ഒ അസോസിയേഷന്റെ നേത്യത്വത്തിൽ കോട്ടയം ജില്ലാ ട്രഷറിയ്ക്ക് മുമ്പിൽ ജീവനക്കാർ പ്രതിഷേധ കൂട്ടായ്മ നടത്തി.

ജില്ലാ വൈസ് പ്രസിഡന്റ് ജെ ജോബിൻസന്റ അധ്യക്ഷതയിൽ കൂടിയ യോഗം അസോസിയേഷൻ ജില്ലാ പ്രസിഡന്റ് രഞ്ജു കെ മാത്യു ഉദ്ഘാടനം ചെയ്തു.

സംസ്ഥാന സെക്രട്ടേറിയറ്റ് അംഗം സതീഷ് ജോർജ് , സംസ്ഥാന കമ്മിറ്റി അംഗങ്ങളായ പി.എച്ച്. ഷീജാ ബീവി, ബെന്നി ജോർജ് , കണ്ണൻ ആൻഡ്രൂസ് , ബിജു ആർ , അജേഷ് പി.പി., സ്മിതാ രവി , ടി.പി. ഗംഗാദേവി , ഷാജിമോൻ ഏബ്രഹാം , സജിമോൻ സി.ഏബ്രഹാം , പി.ബി. ബിജുമോൻ , രാജേഷ് വി.ജി , ഗോപകുമാർ എന്നിവർ പ്രസംഗിച്ചു.