കട്ടപ്പനയിൽ കെട്ടിടത്തിന്റെ മുകളിൽ നിന്ന് വീണു യുവാവ് മരിച്ച സംഭവത്തിൽ ദുരൂഹതയെന്ന് ആരോപണം ; ജോബിൻ മദ്യപിക്കില്ല; അപകട വിവരം പുറത്ത് അറിയിക്കാൻ വൈകി, സം​ഘത്തിൽ ക്രി​മി​ന​ൽ പ​ശ്ചാ​ത്ത​ല​മു​ള്ള​യാ​ളും ഉ​ൾ​പ്പെ​ട്ടതായി ബന്ധുക്കൾ

സ്വന്തം ലേഖകൻ

ക​ട്ട​പ്പ​ന: കട്ടപ്പന ന​ഗ​ര​ത്തി​ൽ നി​ർ​മാ​ണ​ത്തി​ലി​രി​ക്കു​ന്ന കെ​ട്ടി​ട​ത്തി​ൻറെ മു​ക​ളി​ൽ​നിന്നു വീണു യുവാവ് മരിച്ച സംഭവത്തിൽ ദുരൂഹതയെന്ന് ബന്ധുക്കൾ. ല​ബ്ബ​ക്ക​ട പു​ളി​ക്ക​ൽ ജോ​സി​ൻറെ മ​ക​ൻ ജോ​ബി​ൻ (21) ആ​ണ് മ​രി​ച്ച​ത്. ക​ട്ട​പ്പ​ന ടൗ​ണി​ൽ പു​ളി​യ​ൻ​മ​ല റൂ​ട്ടി​ൽ നി​ർ​മാ​ണം പു​രോ​ഗ​മി​ക്കു​ന്ന കെ​ട്ടി​ട​ത്തി​ൻറെ നാ​ലാം നി​ല​യി​ൽ​നി​ന്നു​മാ​ണ് ജോ​ബി​ൻ താ​ഴെ​വീ​ണ​ത്.

ജോബിൻ മദ്യപിക്കില്ലെന്നും, അപകടം നടന്നതാണെങ്കിൽ വിവരം ഉടനെ മറ്റുള്ളവരെ അറിയിക്കാത്തതുമാണ് ബന്ധുക്കളിൽ സംശയമുണർത്തുന്നത്. എന്നാൽ സു​ഹൃ​ത്തി​ൻറെ പി​റ​ന്നാ​ൾ ആ​ഘോ​ഷ​ത്തി​നാ​യി കെട്ടിടത്തിൽ എത്തിയതെന്നും, അതിനിടെ ജോ​ബി​ൻ കാ​ൽ​വ​ഴു​തി താ​ഴേ​ക്കു വീ​ഴു​ക​യാ​യി​രുന്നു എന്നാണ് ഒ​പ്പ​മു​ണ്ടാ​യി​രു​ന്ന​വ​ർ പോ​ലീ​സി​നു നൽകിയ മൊഴി.

അ​പ​ക​ടം ന​ട​ന്ന സ്ഥ​ല​ത്തു​നി​ന്ന് ഒ​ഴി​ഞ്ഞ മ​ദ്യ​ക്കു​പ്പി​ക​ളും ക​ണ്ടെ​ത്തിയിട്ടുണ്ട്. ഒപ്പമുമുണ്ടായിരുന്ന സംഘത്തിലെ നാലു പേരെ പോലീസ് കസ്റ്റഡിയിൽ എടുത്തു ചോദ്യം ചെയ്തു വരികയാണ്. ജോ​ബി​ൻ അ​ട​ങ്ങു​ന്ന എ​ട്ടം​ഗ സം​ഘം വൈ​കു​ന്നേ​ര​മാ​ണ് കെ​ട്ടി​ട​ത്തി​നു​ള്ളി​ൽ ക​യ​റി​യ​ത്.

കൂടെയുള്ളയാൾ കാൽ വഴുതി വീണു മരിച്ചതാണെങ്കിൽ ആ വിവരം പുറത്തുപറയുന്നതിൽ വൈകിയത് എന്താണെന്നു പോലീസ് അന്വേഷിക്കുന്നുണ്ട്. താഴെ വീണതു കൂടെയുള്ളവർ അറിയാതെ പോയതാണോയെന്നതും പരിശോധിക്കും.

അതേസമയം, അ​പ​ക​ടം ന​ട​ന്ന സ​മ​യ​ത്ത് ഒ​പ്പ​മു​ണ്ടാ​യി​രു​ന്ന സം​ഘ​ത്തി​ൽ ക്രി​മി​ന​ൽ പ​ശ്ചാ​ത്ത​ല​മു​ള്ള​യാ​ളും ഉ​ൾ​പ്പെ​ട്ടി​രു​ന്ന​താ​യും ജോ​ബി​ൻറെ പി​തൃ​സ​ഹോ​ദ​ര​ൻ ആ​രോ​പി​ച്ചു. ബൈ​ക്ക് പ​ണ​യം വ​ച്ച​തു​മാ​യി ബ​ന്ധ​പ്പെ​ട്ടു ചി​ല ത​ർ​ക്ക​ങ്ങ​ൾ ഉ​ണ്ടാ​യി​രു​ന്ന​താ​യും സൂ​ച​ന​യു​ണ്ട്. ജോ​ബി​ൻറെ മ​ര​ണ​ത്തി​ൽ ദു​രൂ​ഹ​ത​യാ​രോ​പി​ച്ചു ബ​ന്ധു​ക്ക​ൾ പോ​ലീ​സി​ൽ പ​രാ​തി ന​ൽ​കി. സം​ഭ​വ സ്ഥ​ല​ത്ത് ക​ട്ട​പ്പ​ന ഡി​വൈ​എ​സ്പി അ​ട​ക്ക​മു​ള്ള​വ​രെ​ത്തി പ​രി​ശോ​ധ​ന ന​ട​ത്തി.

പ​ണ​യം​വ​ച്ചി​രു​ന്ന ബൈ​ക്ക് തി​രി​കെ എ​ടു​ക്കു​വാ​നാ​ണ് ജോ​ബി​ൻ ക​ട്ട​പ്പ​ന​യ്ക്കു പോ​യ​തെ​ന്നാ​ണ് ബ​ന്ധു​ക്ക​ൾ പ​റ​യു​ന്ന​ത്. അ​പ​ക​ട​മു​ണ്ടാ​കു​ന്ന​തി​ന് ഒ​രു ​മ​ണി​ക്കൂ​ർ മു​ൻ​പു​വ​രെ ജോ​ബി​ൻ ല​ബ്ബ​ക്ക​ട​യി​ലു​ണ്ടാ​യി​രു​ന്നു. യു​വാ​വി​ൻറെ മൃ​ത​ദേ​ഹം ക​ട്ട​പ്പ​ന​യി​ലെ സ്വ​കാ​ര്യ ആ​ശു​പ​ത്രി​യി​ൽ സൂ​ക്ഷി​ച്ചി​രി​ക്കു​ക​യാ​ണ്.

മൃതദേഹം ഇന്നു കോട്ടയം മെഡിക്കൽ കോളജിൽ പോസ്റ്റ്മോർട്ടം ചെയ്യും. ജോ​ബി​ൻറെ സ്ര​വ പ​രി​ശോ​ധ​ന​യി​ൽ കോ​വി​ഡ് പോ​സി​റ്റീ​വാ​യ​തി​നാ​നാ​ൽ പ്രതികളടക്കം കോ​വി​ഡ് നി​രീ​ക്ഷ​ണ​ത്തി​ലു​മാ​ണ്.