വീടിനു മുന്നിലെ റോഡ് മുറിച്ചു കടക്കവെ കാറിടിച്ചു; പതിമൂന്നുകാരന് ദാരുണാന്ത്യം

സ്വന്തം ലേഖകൻ

കണ്ണൂർ: വീടിന് മുന്നിലെ റോഡ് മുറിച്ചു കടക്കവെ കാറിടിച്ച് പതിമൂന്നുകാരന് ദാരുണാന്ത്യം. തോട്ടട മാതന്റവിട നസ്‌റിയയുടെയും തന്‍സീറിന്റെയും മകന്‍ ഷഹബാസ് (13) ആണ് മരിച്ചത്. കണ്ണൂരിലാണ് സംഭവം നടന്നത്.

തോട്ടട ഗവൺമെന്റ് ഹയര്‍ സെക്കന്ററി സ്‌കൂളിലെ എട്ടാം ക്ലാസ് വിദ്യാർത്ഥിയായിരുന്നു ഷഹബാസ്. ഇന്നലെ രാത്രി ഏഴരയോടെ വീടിന് മുന്നിലെ റോഡ് മുറിച്ച് കടക്കുമ്പോഴാണ് കാറിടിച്ചത്.