ഐ പി എല്‍ മത്സരങ്ങള്‍ റദ്ദാക്കി; ഡൽഹി, ചെന്നൈ ഉൾപ്പെടെയുള്ള ക്യാമ്പുകളിൽ കോവിഡ് ബാധ ; മത്സരങ്ങള്‍ പൂര്‍ണ്ണമായും ഉപേക്ഷിച്ചിട്ടില്ലെന്ന് ബി സി സി ഐ

സ്വന്തം ലേഖകന്‍

മുംബൈ: ഐ പി എല്‍ മത്സരങ്ങള്‍ താല്ക്കാലികമായി നിര്‍ത്തിവച്ചു. താരങ്ങള്‍ക്ക് കോവിഡ് സ്ഥിരീകരിച്ച സാഹചര്യത്തിലാണ് തീരുമാനം. എന്നാല്‍ തീരുമാനം താല്ക്കാലികമാണെന്നും ഐ പി എല്‍ മത്സരങ്ങള്‍ ഉപേക്ഷിച്ചിട്ടില്ലെന്നും ബിസിസിഐ വൃത്തങ്ങള്‍ അറിയിച്ചു.

 

ബി.സി.​സി.ഐ വൈസ്​ പ്രസിഡന്‍റ്​ രാഹുൽ ശുക്ലയാണ്​ ഇക്കാര്യം വാർത്താ ഏജൻസിയായ എ.എൻ.ഐയോട്​ വ്യക്തമാക്കിയത്​.

രണ്ട്​ ദിവസത്തിനിടെ കളിക്കാർക്കും സപ്പോർട്ടിങ്​ സ്റ്റാഫുകൾക്കുമിടയിൽ കോവിഡ്​ ബാധ കൂടിയതിന്​ പിന്നാലെയാണ്​ തീരുമാനം.

തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group

 

കൊൽക്കത്ത, ചെന്നൈ ടീമുകൾക്ക്​ പിന്നാലെ സൺറൈസേഴ്​സ്​ ഹൈദരാബാദ്​, ഡൽഹി കാപിറ്റൽസ്​ ക്യാമ്പുകളിലും കോവിഡ്​ ബാധ സ്​ഥിരീകരിച്ചു.

ഹൈദരാബാദ്​ വിക്കറ്റ്​ കീപ്പർ ബാറ്റ്​സ്​മാൻ വൃദ്ധിമാൻ സാഹക്കും ഡൽഹി സ്​പിന്നർ അമിത്​ മിശ്രക്കുമാണ്​ ചൊവ്വാഴ്ച രോഗം സ്​ഥിരീകരിച്ചത്​.

ഇതുവരെ 29 മത്സരങ്ങളാണ്​ സീസണിൽ പൂർത്തീകരിച്ചത്​. ഐ.പി.എൽ ബയോ ബബ്​ളിലുള്ള ​വരുൺ ചക്രവർത്തിക്കും സന്ദീപ്​ വാര്യക്കും കോവിഡ്​ സ്​ഥിരീകരിച്ചതിനെ തുടർന്ന് തിങ്കളാഴ്ച നടക്കേണ്ടിയിരുന്ന​ കൊൽക്കത്ത നൈറ്റ്​ റൈഡേഴ്​സ്-റോയൽ ചലഞ്ചേഴ്​സ്​ ബാംഗ്ലൂർ മത്സരം മാറ്റിവെച്ചിരുന്നു.

 

ചെന്നൈ ബൗളിങ്​ കോച്ച്​ ലക്ഷ്​മിപതി ബാലാജി, സി.ഇ.ഒ, ബസ്​ ക്ലീനർ എന്നിവർക്ക്​ കോവിഡ്​ സ്​ഥിരീകരിച്ചതോടെ ബുധനാഴ്ചത്തെ ചെന്നൈ-രാജസ്​ഥാൻ മത്സരവും മാറ്റിവെച്ചിരുന്നു.