ഡൽഹി: ഹോർമുസ് കടലിടുക്ക് തുറക്കുന്ന വിഷയം ഫ്രാൻസുമായി ചർച്ച ചെയ്ത് ഇന്ത്യ.
ഹോർമുസ് തുറക്കാൻ അന്താരാഷ്ട്ര സമ്മർദ്ദം ശക്തമാക്കണം എന്നാണ് ഇന്ത്യയുടെ നിലപാട്. അമേരിക്കൻ ഉപരോധത്തിനു ശേഷം ഉള്ള സാഹചര്യവും നരേന്ദ്ര മോദിയും ഇമാനുവല് മക്രോണും ചർച്ച ചെയ്തു.
കൂടുതല് ഇന്ത്യൻ കപ്പലുകള്ക്ക് ഹോർമുസ് കടക്കുന്നതിനുള്ള ചർച്ചകള് തുടരുന്നു എന്നാണ് സർക്കാർ വൃത്തങ്ങള് വ്യക്തമാക്കുന്നത്. നിലവില് പാകിസ്ഥാന്റെ നേതൃത്വത്തില് നടക്കുന്ന നീക്കങ്ങള്ക്ക് എന്ത് ഫലമുണ്ടാക്കും എന്ന് നിരീക്ഷിക്കുകയാണ് ഇന്ത്യ.
Whatsapp Group 1 | Whatsapp Group 2 |Telegram Group
അതേസമയം, ഇറാൻ, റഷ്യൻ എണ്ണ ഇറക്കുമതിക്ക് ഇന്ത്യയ്ക്ക് അനുവദിച്ചിരുന്ന ഉപരോധ ഇളവുകള് അമേരിക്ക പുതുക്കില്ല. യുഎസില് നിന്നുള്ള എണ്ണ ഇറക്കുമതി ഇന്ത്യ കൂട്ടുമെന്ന് പ്രതീക്ഷിക്കുന്നതായി അമേരിക്ക പ്രതികരിച്ചിട്ടുണ്ട്.
ഇറാൻ, റഷ്യ എന്നിവിടങ്ങളില് നിന്ന് എണ്ണ വാങ്ങാൻ യുഎസ്, ഇന്ത്യയ്ക്ക് അനുവദിച്ചിരുന്ന ഉപരോധ ഇളവുകള് ഇനി പുതുക്കില്ല. യുഎസ് ട്രഷറി സെക്രട്ടറി സ്കോട്ട് ബെസന്റ് ആണ് ഇക്കാര്യം വ്യക്തമാക്കിയത്. ഇറാനിയൻ എണ്ണയ്ക്ക് നല്കിയിരുന്ന 30 ദിവസത്തെ ഇളവ് ഈമാസം 19ന് അവസാനിക്കും.
