ഇടുക്കി രാമക്കല്‍മേട്ടിൽ വെല്‍ഡിംഗ് ജോലിക്കിടെ വൈദ്യുതാഘാതമേറ്റ് യുവാവ് മരിച്ചു

സ്വന്തം ലേഖകൻ

ഇടുക്കി : വെല്‍ഡിംഗ് ജോലിക്കിടെ വൈദ്യുതാഘാതമേറ്റ് യുവാവ് മരിച്ചു. ഇടുക്കി രാമക്കല്‍മേട്ടിലാണ് സംഭവം. കട്ടേക്കാനം വെമ്ബള്ളി അനൂപ് (22) ആണ് മരിച്ചത്.

വൈകീട്ട് ആറരയോടെയായിരുന്നു സംഭവം.

തൊട്ടടുത്ത വീട്ടില്‍ ഇരുമ്പ് കൂട് നിര്‍മ്മിക്കുന്നതിനിടെയാണ് യുവാവിന് വൈദ്യുത ആഘാതം ഏറ്റത്. തൂക്കുപാലത്തെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചു. സംഭവത്തില്‍ കമ്പംമേട് പോലീസ് മേല്‍നടപടികള്‍ സ്വീകരിച്ചു.