ചെന്നൈ പുഴല് ജയിലില് കഴിയുന്ന ഗുണ്ടാത്തലവൻ ഹരി നാടാർക്ക് തിരഞ്ഞെടുപ്പില് വോട്ട് ചെയ്യാനാകില്ല. വോട്ട ചെയ്യാൻ അനുമതി നല്കണമെന്നാവശ്യപ്പെട്ടുള്ള ഹരി നാടാരുടെ ഹർജി മദ്രാസ് ഹൈക്കോടതി തള്ളി.വോട്ട് ചെയ്യുക എന്നത് ഭരണഘടനാപരമായ അവകാശമാണെന്നും അത് തടയരുതെന്നുമുള്ള ഹരി നാടാരുടെ ആവശ്യം ചീഫ് ജസ്റ്റിസ് അധ്യക്ഷനായ ബെഞ്ച് അംഗീകരിച്ചില്ല.
തിരഞ്ഞെടുപ്പ് കമ്മീഷന്റെ ശക്തമായ എതിർപ്പ് കണക്കിലെടുത്താണ് കോടതിയുടെ ഉത്തരവ്. ഹരി നാടാറുടേത് കരുതല് തടങ്കല് അല്ലെന്നും നിരവധി ക്രിമിനല് കേസുകളില് ശിക്ഷിക്കപ്പെട്ടും വിചാരണ നേരിട്ടും ജയിലില് കഴിയുന്ന വ്യക്തിയാണെന്നുമുള്ള കമ്മീഷന്റെ വാദം കോടതി ശരിവെച്ചു.
ജയിലില് കഴിയുന്ന തടവുകാർക്ക് വോട്ടവകാശമില്ലെന്ന നിയമപരമായ വശം ചൂണ്ടിക്കാട്ടിയാണ് കോടതി ഇടപെടല്. നേരത്തെ ഹരി നാടാർ സമർപ്പിച്ച നാമനിർദ്ദേശ പത്രികയും തിരഞ്ഞെടുപ്പ് കമ്മീഷൻ തള്ളിയിരുന്നു.
Whatsapp Group 1 | Whatsapp Group 2 |Telegram Group
