നിസ്സാരക്കാരനല്ല ചൂടും, ചൂടുക്കാലത്തെ രോഗവും… പ്രതിരോധിക്കാം ; ചൂടിനെ മാത്രമല്ല,രോഗങ്ങളെയും

കാലാവസ്ഥയിൽ വന്ന മാറ്റം അനിയന്ത്രിതമാണ്. നാ​ൾ​ക്കു​നാ​ൾ ചൂ​ട് വ​ർ​ധി​ച്ചു​കൊ​ണ്ടി​രി​ക്കു​ക​യാ​ണ്. വേ​ന​ൽ​ക്കാ​ല​മെ​ത്തും മു​മ്പേ വേ​ന​ൽ​പോ​ലെ ജ​നം വെ​യി​ല​ത്തു​രു​കു​ന്നു. മഴക്കാലത്തെ പോലെയല്ല, ചൂ​ടു​കൂ​ടു​മ്പോ​ൾ ചൂ​ടി​നെ​തി​രെ മാ​ത്ര​മ​ല്ല പ്ര​തി​രോ​ധ​മൊ​രു​ക്കേ​ണ്ട​ത്; ചൂ​ടി​നൊ​പ്പം വി​രു​ന്നെ​ത്തു​ന്ന രോ​ഗ​ങ്ങ​ളെ​ക്കൂ​ടി​യാ​ണ്. പ​നി, വ​യ​റി​ള​ക്കം തു​ട​ങ്ങി വേ​ന​ൽ​രോ​ഗ​ങ്ങ​ൾ പി​ടി​പെ​ടു​ന്ന​വ​രു​ടെ എ​ണ്ണ​വും ഉ​യ​ർ​ന്നു​കൊ​ണ്ടി​രി​ക്കു​ക​യാ​ണ്.

ചൂ​ട് കു​രു, സൂ​ര്യാ​ഘാ​തം, സൂ​ര്യാ​താപം, പേ​ശി​വ​ലി​വ്, ച​ർ​മ​രോ​ഗ​ങ്ങ​ൾ, നേ​ത്ര​രോ​ഗ​ങ്ങ​ൾ, ചി​ക്ക​ൻ​പോ​ക്സ്, മ​ഞ്ഞ​പ്പി​ത്തം തു​ട​ങ്ങി​യ രോ​ഗ​ങ്ങ​ളും ചൂ​ടു​കാ​ല​ത്ത് കൂ​ടു​ത​ലാ​യി കാ​ണ​പ്പെ​ടാ​റു​ണ്ട്. കു​ട്ടി​ക​ളി​ലെ ക്ഷീ​ണം, ത​ള​ർ​ച്ച, അ​മി​ത ക​ര​ച്ചി​ൽ, ഭ​ക്ഷ​ണം ക​ഴി​ക്കാ​ൻ മ​ടി​കാ​ണി​ക്ക​ൽ, മൂ​ത്ര​ത്തി​ന്റെ അ​ള​വ് കു​റ​യ​ൽ തു​ട​ങ്ങി​യ​വ​യും ശ്ര​ദ്ധി​ക്കേണ്ട കാര്യം തന്നെയാണ്.

രോ​ഗാ​ണു​ക്ക​ളാ​ൽ മ​ലി​ന​മാ​ക്ക​പ്പെ​ട്ട ജ​ല​ത്തി​ലൂ​ടെ​യും ആ​ഹാ​ര​ത്തി​ലൂ​ടെ​യു​മാ​ണ് വ​യ​റി​ള​ക്ക രോ​ഗ​ങ്ങ​ൾ പ​ക​രു​ന്ന​ത്. വേ​ന​ലി​ൽ ശു​ദ്ധ​ജ​ല​ക്ഷാ​മം രൂ​ക്ഷ​മാ​വു​ക​യും ക​ട​ക​ളി​ൽ​നി​ന്നും മ​റ്റും വേ​ണ്ട​ത്ര വൃ​ത്തി​യി​ല്ലാ​ത്ത വെ​ള്ളം കു​ടി​ക്കു​ക​യും മ​റ്റും ചെ​യ്യു​മ്പോ​ഴാ​ണ് വ​യ​റി​ള​ക്കം പൊ​തു​വേ പി​ടി​പെ​ടു​ന്ന​ത്. വ​യ​റി​ള​ക്ക രോ​ഗ​ങ്ങ​ളി​ൽ ഗു​രു​ത​ര​മാ​കാ​വു​ന്ന ഒ​ന്നാ​ണ് കോ​ള​റ. കൂ​ടു​ത​ൽ ത​വ​ണ വ​യ​റി​ള​കി​പ്പോ​കു​ന്ന​തി​നാ​ൽ വ​ള​രെ പെ​ട്ടെ​ന്ന് നി​ർ​ജ​ലീ​ക​ര​ണം സം​ഭ​വി​ച്ച് ഗ​രു​ത​രാ​വ​സ്ഥ​യി​ലാ​കാ​നും മ​ര​ണം​വ​രെ സം​ഭ​വി​ക്കാ​നും വരെ സാ​ധ്യ​ത​യു​ണ്ട്.

വ​യ​റി​ള​ക്കം പി​ടി​പെ​ട്ടാ​ൽ ആ​രം​ഭ​ത്തി​ൽ​ത​ന്നെ പാ​നീ​യ​ചി​കി​ത്സ തു​ട​ങ്ങു​ന്ന​ത് വ​ഴി രോ​ഗം ഗു​രു​ത​ര​മാ​കാ​തെ ത​ട​യാം. ഉ​പ്പി​ട്ട ക​ഞ്ഞി​വെ​ള്ളം, ക​രി​ക്കി​ൻ​വെ​ള്ളം എ​ന്നി​വ ഇ​തി​നാ​യി ഉ​പ​യോ​ഗി​ക്കാം. വ​യ​റി​ള​ക്ക രോ​ഗ​മു​ള്ള​പ്പോ​ൾ ഒ.​ആ​ർ.​എ​സി​നൊ​പ്പം സി​ങ്ക് ഗു​ളി​ക ക​ഴി​ക്ക​ണം. ഇ​ത് സ​ർ​ക്കാ​ർ ആ​ശു​പ​ത്രി​ക​ളി​ലെ​ല്ലാം ല​ഭ്യ​മാ​ണ്. വ​യ​റി​ള​ക്കം ശ്ര​ദ്ധ​യി​ൽ​പെ​ട്ടാ​ലു​ട​ൻ ഡോ​ക്ട​റെ കാ​ണി​ക്ക​ണം. വ്യ​ക്തി​ശു​ചി​ത്വ​വും പ​രി​സ​ര ശു​ചി​ത്വ​വും പാ​ലി​ക്കു​ന്ന​തി​ലൂ​ടെ വ​യ​റി​ള​ക്ക​രോ​ഗ​ങ്ങ​ൾ ത​ട​യാ​ൻ ക​ഴി​യും. ന​ന്നാ​യി തി​ള​പ്പി​ച്ചാ​റ്റി​യ വെ​ള്ളം മാ​ത്ര​മേ കു​ടി​ക്കാ​ൻ ഉ​പ​യോ​ഗി​ക്കാ​വൂ. ഭ​ക്ഷ​ണ​പാ​നീ​യ​ങ്ങ​ൾ തു​റ​ന്നു​വെ​ച്ചു​പ​യോ​ഗി​ക്ക​രു​ത്, ആ​രോ​ഗ്യ പ്ര​വ​ർ​ത്ത​ക​രു​ടെ നി​ർ​ദേ​ശാ​നു​സ​ര​ണം കി​ണ​റു​ക​ളി​ൽ ക്ലോ​റി​നേ​ഷ​ൻ ന​ട​ത്തു​ക തു​ട​ങ്ങി​യ കാ​ര്യ​ങ്ങ​ളും ശ്ര​ദ്ധി​ക്ക​ണം.

അ​ന്ത​രീ​ക്ഷ താ​പ​നി​ല പ​രി​ധി​യി​ലേ​റെ ഉ​യ​ർ​ന്നാ​ൽ ശ​രീ​ര​ത്തി​ലെ താ​പ​നി​ല നി​യ​ന്ത്ര​ണ സം​വി​ധാ​നം ത​ക​രാ​റി​ലാ​വു​ക​യും ശ​രീ​ര​താ​പം പു​റ​ത്തേ​ക്ക് ക​ള​യു​ന്ന​തി​ന് ത​ട​സ്സം നേ​രി​ടു​ക​യും ചെ​യ്യു​ന്ന സ്ഥി​തി​യാ​ണ് സൂ​ര്യാ​ഘാ​തം (ഹീ​റ്റ്സ്ട്രോ​ക്). ഉ​യ​ർ​ന്ന താ​പ​നി​ല, വ​റ്റി​വ​ര​ണ്ട ശ​രീ​രം, ക​ടു​ത്ത ത​ല​വേ​ദ​ന, ത​ല​ക്ക​റ​ക്കം, മ​ന്ദ​ഗ​തി​യി​ലു​ള്ള നാ​ഡി​മി​ടി​പ്പ്, അ​ബോ​ധാ​വ​സ്ഥ തു​ട​ങ്ങി​യ​വ​യാ​ണ് ല​ക്ഷ​ണ​ങ്ങ​ൾ. മ​ര​ണ​ത്തി​ലേ​ക്കു​വ​രെ ന​യി​ക്കാ​വു​ന്ന​താ​ണ് സൂ​ര്യാ​ഘാ​തം