ലോകത്ത് ഏറ്റവും കൂടുതൽ ആളുകളെ മരണത്തിലേക്ക് നയിക്കുന്ന ഒരു രോഗവസ്ഥയാണ് ഹൃദയാഘാതം. ഇന്ന് ചെറുപ്പക്കാരിൽ പോലും ഹൃദയാഘാതം സാധാരണയായി കണ്ടുവരുന്നു.
ഹൃദയാഘാതം പെട്ടെന്ന് സംഭവിക്കുന്ന ഒന്നായി തോന്നാറുണ്ടെങ്കിലും ഹൃദയാഘാതത്തിന് മുന്പുള്ള ദിവസങ്ങളിലോ മാസങ്ങളിലോ തന്നെ നിങ്ങൾക്ക് തിരിച്ചറിയാൻ സാധിക്കുമെന്നാണ് ആരോഗ്യവിദഗ്ധർ പറയുന്നത്. ഹാർട്ട് അറ്റാക്ക് ഉണ്ടാകുന്നതിനു 10 ദിവസമോ ഒരു മാസമോ മുമ്പ് ചില ലക്ഷണങ്ങൾ ശരീരം പ്രകടിപ്പിക്കാറുണ്ട്. ആ അഞ്ച് ലക്ഷണങ്ങളെക്കുറിച്ച് അറിയാം.
1.നെഞ്ചില് അസ്വസ്ഥത ഹൃദയാഘാതത്തിന് ദിവസങ്ങള്ക്ക് മുൻപ് അല്ലെങ്കില് ആഴ്ചകള്ക്ക് മുൻപ് ആളുകളിൽ പലപ്പോഴും നേരിയ നെഞ്ചുവേദനയോ സമ്മര്ദ്ദമോ അനുഭവപ്പെടാറുണ്ട്. കൂടാതെ നെഞ്ചില് വിങ്ങല് പോലെയോ നിറഞ്ഞിരിക്കുന്നതുപോലെയോ ഭാരം പോലെയോ അത് അനുഭവപ്പെട്ടേക്കാം. നെഞ്ചിലുള്ള ഈ അസ്വസ്ഥത കൈകള്, താടിയെല്ല്, കഴുത്ത് അല്ലെങ്കില് പുറം എന്നിവയിലേക്ക് വ്യാപിച്ചേക്കാം.
Whatsapp Group 1 | Whatsapp Group 2 |Telegram Group
2. ശ്വാസം മുട്ടല്
ലഘുവായ വ്യായാമത്തിനിടയിലോ വിശ്രമത്തിലോ പോലും ശ്വാസതടസ്സം അനുഭവപ്പെടുന്നത് ഹൃദയാഘാതത്തിന്റെ മുന്നറിയിപ്പ് സൂചനയായിരിക്കാം. ഹൃദയാഘാതത്തിന് ആഴ്ചകള്ക്ക് മുമ്ബ് ഈ ലക്ഷണം പ്രത്യക്ഷപ്പെടാം.
3. ക്ഷീണം
ഹൃദയാഘാതത്തിന്റെ ഒരു സാധാരണ മുന്നറിയിപ്പാണ് നിരന്തരമായതും വിശദീകരിക്കാനാവാത്തതുമായ ക്ഷീണം. ശരിയായ വിശ്രമത്തിനു ശേഷവും അസാധാരണമായ ക്ഷീണം അനുഭവപ്പെടുന്നുണ്ടെങ്കില് ശ്രദ്ധിക്കേണ്ടതാണ്.
4. ഉറക്ക അസ്വസ്ഥതകള്
ആളുകള് പലപ്പോഴും തള്ളിക്കളയുന്ന മറ്റൊരു നിര്ണായക ലക്ഷണം ഉറക്ക അസ്വസ്ഥതകളാണ്. ഉണരുമ്ബോള് ശ്വാസം മുട്ടല്, രാത്രിയില് വിയര്ക്കല്, അല്ലെങ്കില് ക്ഷീണം വര്ധിച്ച ഹൃദയമിടിപ്പ് പോലുള്ള മറ്റ് ലക്ഷണങ്ങളോടൊപ്പം തുടര്ച്ചയായ ഉറക്കമില്ലായ്മ ഇവയൊക്കെ മുന്നറിയിപ്പ് സൂചനയാണ്.
5. ഹൃദയമിടിപ്പ്
അസാധാരണമായി ഹൃദയമിടിപ്പ് അനുഭവപ്പെടുകയോ വേഗത്തിലുള്ളതും ശക്തവുമായ ഈ ഹൃദയമിടിപ്പുകള് നെഞ്ചില് ബുദ്ധിമുട്ടുണ്ടാക്കുന്നതുപോലെയോ തോന്നിയേക്കാം. തലകറക്കം, ബോധക്ഷയം, ശ്വാസതടസ്സം അല്ലെങ്കില് നെഞ്ചുവേദന എന്നിവയ്ക്കൊപ്പം ഹൃദയമിടിപ്പും ഉണ്ടായാല്, അത് വരാനിരിക്കുന്ന ഹൃദയാഘാതത്തിന്റെ ലക്ഷണമാകാം.
