എരുമേലി കരിങ്കല്ലുമുഴിയിൽ നിയന്ത്രണം വിട്ട ലോറി തലകീഴായി മറിഞ്ഞ് അപകടം; ഡ്രൈവർ ഉൾപ്പെടെ മൂന്നുപേർക്ക് പരിക്കേറ്റു

സ്വന്തം ലേഖകൻ

എരുമേലി: കരിങ്കല്ലുമുഴിയിൽ ലോറി തലകീഴായി മറിഞ്ഞ് അപകടം. ഡ്രൈവർ ഉൾപ്പെടെ മൂന്നുപേർക്ക് പരിക്കേറ്റു.

ശനിയാഴ്ച വൈകുന്നേരം 5:45 ഓടെ ആയിരുന്നു അപകടം. മുക്കൂട്ടുതറയിൽ നിന്നും കോഴി വളവുമായി കായംങ്കുളത്തേക്ക് പോവുകയായിരുന്നു ലോറിയാണ് അപകടത്തിൽ പെട്ടത്.

കരിങ്കല്ലുമുഴി ഇറക്കം ഇറങ്ങിയപ്പോൾ വാഹനം നിയന്ത്രണം നഷ്ടപ്പെട്ട് എരുമേലി – റാന്നി റോഡിൽ കരണം മറിഞ്ഞ് സമീപമുള്ള കടയിലേക്ക് ഇടിച്ചുകയറുകയായിരുന്നു.

അപകട സമയം വാഹനത്തിൽ ഡ്രൈവർ ഉൾപ്പെടെ മൂന്നു പേർ ഉണ്ടായിരുന്നു. മൂന്നു പേരും നിസ്സാര പരിക്കുകളോടെ രക്ഷപ്പെട്ടു.