കുളിക്കുന്നതിനിടയില്‍ ഒഴുക്കിൽപ്പെട്ടു ; മൂന്ന് വിദ്യാർത്ഥികൾ ആളിയാർ ഡാമിൽ മുങ്ങി മരിച്ചു

പാലക്കാട്: ആളിയാർ ഡാമില്‍ കുളിക്കാനിറങ്ങിയ മൂന്ന് വിദ്യാർത്ഥികള്‍ മുങ്ങിമരിച്ചു. ചെന്നൈയിലെ സ്വകാര്യ എഞ്ചിനീയറിംഗ് കോളേജിലെ വിദ്യാർത്ഥികളായ ധരുണ്‍, രേവന്ദ്, ആന്റോ എന്നിവരാണ് മരിച്ചത്.

ഡാമില്‍ കുളിക്കുന്നതിനിടയില്‍ വിദ്യാർത്ഥികള്‍ ശക്തമായ ഒഴുക്കില്‍പ്പെടുകയായിരുന്നു. ഇന്ന് രാവിലയൊണ് വിദ്യാത്ഥികള്‍ അടങ്ങുന്ന സംഘം ഡാമിലെത്തിയത്.

മുങ്ങിതാഴ്ന്നപ്പോള്‍ കൂടെയുണ്ടായിരുന്നവർ പൊലീസിലും ഫയർഫോഴ്സിലും നാട്ടുകാരെയും വിവരം അറിയിക്കുകയായിരുന്നു. വിദ്യാർത്ഥികളുടെ മൃതദേഹങ്ങള്‍ പൊളളാച്ചിയിലെ ആശുപത്രിയിലേക്ക് മാറ്റിയിട്ടുണ്ട്.

പോസ്റ്റ്മോർട്ടം നടത്തിയതിനുശേഷം ബന്ധുക്കള്‍ക്ക് വിട്ടുനല്‍കുമെന്ന് പൊലീസ് അറിയിച്ചിട്ടുണ്ട്.