സ്വന്തം ലേഖകൻ
ചെന്നൈ:സിനിമ മേഖലയിൽ ചുവടുവെക്കാനൊരുങ്ങി മുന് ഇന്ത്യന് ക്രിക്കറ്റ് ടീം ക്യാപ്റ്റന്. എം എസ് ധോണി നിര്മ്മിക്കുന്ന ആദ്യ ചലച്ചിത്രത്തിന്റെ ചിത്രീകരണം ആരംഭിച്ചു.ലെറ്റ്സ് ഗെറ്റ് മാരീയിഡ് (എല്ജിഎം) എന്നാണ് ചിത്രത്തിന്റെ പേര്.
2022 ഒക്ടോബറിലാണ് സിനിമ നിര്മ്മാണത്തിലേക്ക് കടക്കുന്നതിനെക്കുറിച്ച് എംഎസ് ധോണി പ്രഖ്യാപനം നടത്തിയത്.
Whatsapp Group 1 | Whatsapp Group 2 |Telegram Group
തമിഴിലാണ് ധോണി ആദ്യത്തെ ചിത്രം നിര്മ്മിക്കുന്നത്. ഹരീഷ് കല്ല്യാണും, ഇവാനയും നായിക നായകന്മാരാകുന്ന ചിത്രം സംവിധാനം ചെയ്യുന്നത് രമേഷ് തമിഴ്മണിയാണ്.
2018 ല് ഇറങ്ങിയ പ്യാര് പ്രേമ കാതല് എന്ന ചിത്രത്തിലൂടെ ശ്രദ്ധേയനായ നടനാണ് ഹരീഷ് കല്ല്യാണ്. കഴിഞ്ഞ വര്ഷത്തെ തമിഴിലെ സെന്സെഷന് ഹിറ്റായ ലൌ ടുഡേയിലെ നായികയാണ് ഇവാന.
ലെറ്റ്സ് ഗെറ്റ് മാരീയിഡ് (എല്ജിഎം) ഒരു ഫാമിലി ലൌ സ്റ്റോറിയാണ് എന്നാണ് വിവരം. നാദിയ മൊയ്തു ചിത്രത്തില് ഒരു പ്രധാന വേഷം ചെയ്യുന്നുണ്ട്.
ധോണി എന്റര്ടെയ്മെന്റിന്റെ ഓഫീഷ്യല് പേജിലൂടെ ചിത്രത്തിന്റെ ഫസ്റ്റ് ലുക്ക് പുറത്തുവിട്ടിട്ടുണ്ട്. സംവിധായകന് രമേഷ് തമിള്മണിയുടെ ആദ്യ ചിത്രമാണിത്. ജനുവരി 26 ന് ചിത്രത്തിന്റെ പ്രഖ്യാപനം സംബന്ധിച്ച് കോമണ് പോസ്റ്റര് അദ്ദേഹം ട്വീറ്റ് ചെയ്തിരുന്നു.
