തിരുവനന്തപുരം: മഴക്കാലമായതിനാല് പകര്ച്ചവ്യാധികള് വേഗം പിടിപെടുമെന്നും ജാഗ്രതവേണമെന്നും ആരോഗ്യ വകുപ്പ് മന്ത്രി വീണാ ജോര്ജ്.
എലിപ്പനിയ്ക്കെതിരെ വളരെ ശ്രദ്ധിക്കണം. ഇടവിട്ടുള്ള മഴയും വെള്ളക്കെട്ടും കാരണം സംസ്ഥാനത്ത് ഡെങ്കി, എലിപ്പനി ബാധിതരുടെ എണ്ണം ഉയരുകയാണെന്നും മന്ത്രി പറഞ്ഞു. ഈ വർഷം 15 പേർക്ക് ഡെങ്കിപ്പനിമൂലം ജീവൻ നഷ്ടമായിട്ടുണ്ട്.
എലിപ്പനി ബാധിച്ചാല് പെട്ടെന്ന് തീവ്രമാകുമെന്നതിനാല് പ്രത്യേക ശ്രദ്ധ വേണം. പാലക്കാട്, കൊല്ലം, കോഴിക്കോട് ജില്ലകളിലാണ് എലിപ്പനി രോഗബാധിതർ ഏറെയും.
Whatsapp Group 1 | Whatsapp Group 2 |Telegram Group
ഏതെങ്കിലും സാഹചര്യത്തില് മണ്ണുമായോ, മലിനജലവുമായോ സമ്ബര്ക്കത്തില് വന്നിട്ടുള്ളവര്ക്ക് പനി ബാധിക്കുന്നെങ്കില് ഉടനടി ചികിത്സ തേടി ഡോക്ടറോട് അക്കാര്യം പറയേണ്ടതാണ്. മണ്ണുമായും മലിനജലവുമായും ഇടപെടുന്നവര് നിര്ബന്ധമായും ആരോഗ്യ പ്രവര്ത്തകരുടെ നിര്ദേശാനുസരണം എലിപ്പനി പ്രതിരോധ ഗുളികയായ ഡോക്സിസൈക്ലിന് കഴിക്കേണ്ടതാണ്.
എലിപ്പനി ഒരു മാരക രോഗമാണെങ്കിലും കൃത്യമായ പ്രതിരോധ മാര്ഗങ്ങളിലൂടെയും ചികിത്സയിലൂടെയും തടയാന് സാധിക്കുമെന്നും മന്ത്രി വ്യക്തമാക്കി.
