രാജ്യത്ത് കോവിഡ് വ്യാപനം രൂക്ഷമാകുന്നു ; പത്ത് സംസ്ഥാനങ്ങളിലെ സ്‌കൂളുകൾ അടഞ്ഞ് തന്നെ കിടക്കും ; ഡൽഹിയിൽ വരുന്ന അധ്യയന വർഷവും ക്ലാസുകൾ ഓൺലൈനിൽ തന്നെ നടത്തുമെന്ന് സർക്കുലർ
സ്വന്തം ലേഖകൻ
ന്യൂഡൽഹി: രാജ്യത്ത് ആദ്യത്തെ കോവിഡ് കേസ് റിപ്പോർട്ട് ചെയ്ത് ഒരു വർഷം പിന്നിട്ടിട്ടും കോവിഡ് വ്യാപനം ക്രമാതീതമായി വർദ്ധിക്കുകയാണ്. ഈ സാഹചര്യചത്തിൽ വരുന്ന സെമസ്റ്ററിലെങ്കിലും കുട്ടികൾക്ക് സ്‌കൂളിൽ എത്താൻ കഴിയുമോയെന്ന ചോദ്യമാണ് ഏറ്റവുമധികം ഉയർന്ന് കേൾക്കുന്നത്.
പുറത്ത് വന്ന ഏറ്റവും പുതിയ റിപ്പോർട്ടുകളനുസരിച്ച് രാജ്യത്തെ മിക്ക സംസ്ഥാനങ്ങളിലും സ്‌കൂളുകൾ അടഞ്ഞുതന്നെ കിടക്കും. ഇതോടെ ക്ലാസുകൾ വീണ്ടും ഓൺലൈനിൽ തന്നെയാവാനാണ് സാധ്യത. ദില്ലിക്കൊപ്പം പഞ്ചാബ്, പുതുച്ചേരി, ഗുജറാത്ത്, ഹിമാചൽ പ്രദേശ്, ചണ്ഡിഗഡ്, ഹരിയാന, മഹാരാഷ്ട്ര, കർണാടക, രാജസ്ഥാൻ എന്നിവിടങ്ങളിൽ സ്‌കൂളുകൾ തുറക്കാൻ സാധ്യതയില്ല. മധ്യപ്രദേശിലും ഛത്തീസ്ഘട്ടിലും വൈറസ് വ്യാപനം രൂക്ഷമാണ്. അതിനാൽ തന്നെ ഈ സംസ്ഥാനങ്ങളിലെ സ്‌കൂളുകൾ തുറക്കാൻ സാധ്യതയില്ല.
Whatsapp Group 1 | Whatsapp Group 2 |Telegram Group
ദില്ലിയിലെ എയർഫോഴ്‌സ് ബാൽ ഭാരതി സ്‌കൂൾ, ദില്ലി പബ്ലിക് സ്‌കൂൾ എന്നിവ മാതാപിതാക്കൾക്ക് സർക്കുലറുകൾ നൽകിയിട്ടുണ്ട്. ഈ സ്‌കൂളുകൾ പുറത്തിറക്കിയ സർക്കുലർ അനുസരിച്ച് അടുത്ത അക്കാദമിക് സെഷനിൽ കുട്ടികളുടെ വിദ്യാഭ്യാസം ഓൺലൈനിൽ തന്നെയായിരിക്കും.
വിദ്യാർത്ഥികൾ വീട്ടിൽ നിന്ന് കൂടുതൽ പഠനങ്ങൾ നടത്തും. പതിവ് ക്ലാസുകൾ പുനരാരംഭിക്കുന്നതിന് സമയപരിധി നൽകാൻ ഡൽഹി സർക്കാരിനും ഈ സ്വകാര്യ സ്‌കൂളുകളുടെ മാനേജ്‌മെന്റിനും കഴിയില്ല.
സ്‌കൂളുകൾ അടച്ചതോടെ വിദ്യാർത്ഥികളുടെ സ്‌കൂൾ കൊഴിഞ്ഞുപോകൽ നിരക്ക് 20 ശതമാനം വർദ്ധിച്ചു. ഈ സമയത്ത്, ധാരാളം ആളുകൾക്ക് ഒരു സംസ്ഥാനത്ത് നിന്ന് മറ്റൊരു സംസ്ഥാനത്തേക്ക് പോകേണ്ടിവന്നു.
പുതിയ സംസ്ഥാനത്ത് പ്രവേശനം നേടാൻ അവർക്ക് ഏറെ ബുദ്ധിമുട്ടുമായിരിക്കും. അതേസമയം കോവിഡ് വ്യാപനത്തിന്റെ കണക്കിലെടുത്ത് സ്‌കൂൾ തുറക്കാതിരിക്കുന്നത് ശരിയായ തീരുമാനമാണെന്ന് ദില്ലി രക്ഷാകർതൃ അസോസിയേഷൻ വ്യക്തമാക്കി.
