കോടതികളിൽ ഇ-ഫയലിങ് നടപ്പാക്കിയതിനെതിരെ കേരള അഡ്വക്കേറ്റ്സ് ക്ലാർക്ക്സ് അസോസിയേഷൻ കോട്ടയം കളക്ട്രേറ്റിന് മുന്നിൽ പണിമുടക്കും ധർണയും നടത്തുന്നു

സ്വന്തം ലേഖകൻ

കോട്ടയം: കേരളത്തിലെ എല്ലാ കോടതികളും കടലാസ് രഹിതമാക്കുക എന്ന അടിസ്ഥാനത്തിൽ അഭിഭാഷക ഗുപ്തന്മാരുടെ പങ്കാളിത്തമോ ആശങ്കകളോടെ പരിഗണിക്കാതെ നടപ്പിലാക്കിയ ഇ-ഫയലിങ് സമ്പ്രദായത്തിനെതിരെ കോട്ടയം കളക്ട്രേറ്റിൽ ക്ലാർക്ക്സ് അസോസിയേഷൻ പണിമുടക്കും ധർണയും നടത്തുന്നു.

ഇ-ഫയലിങ് സമ്പ്രദായത്തിന്റെ ന്യൂനതകൾ പരിഹരിക്കുന്നതിന് ക്ലർക്ക്മാരുടെ തൊഴിൽ നഷ്ടപ്പെടുത്താതെ മാന്യമായി തൊഴിൽ ചെയ്തു ജീവിക്കാൻ ഉള്ള അവകാശം സംരക്ഷിക്കുക എന്നതാണ് ആവശ്യം.

രാഷ്ട്രീയ ജാതി മത ചിന്തകൾക്കതീതമായി പ്രവർത്തിക്കുന്ന കേരളത്തിലെ ഏക സംഘടനയായ കേരള അഡ്വക്കേറ്റ്സ് ക്ലാർക്ക്സ് അസോസിയേഷൻ സംസ്ഥാന കമ്മിറ്റിയുടെ ആഹ്വാനപ്രകാരം കേരളത്തിലെ 14 ജില്ലാ കേന്ദ്രങ്ങളിലും ഹൈക്കോടതി കേന്ദ്രത്തിലും വ്യാഴാഴ്ച രാവിലെ 10 മണി മുതൽ ഉച്ചയ്ക്ക് 2 വരെ ധർണ നടത്തും.

കോട്ടയം ജില്ലാ കമ്മിറ്റിയുടെ നേതൃത്വത്തിൽ കളക്ട്രേറ്റിന് മുന്നിൽ നടത്തുന്ന ധർണയിൽ ബാർ അസോസിയേഷൻ ഭാരവാഹികൾ, അഭിഭാഷകർ അഭിഭാഷക സംഘടനാ നേതാക്കൾ, വിവിധ സാമൂഹിക സാംസ്കാരിക രംഗത്തെ പ്രമുഖർ, എംഎൽഎമാർ കെഎസ്ടിഎ സംസ്ഥാന ജില്ലാ യൂണിറ്റ് ഭാരവാഹികൾ എന്നിവർപങ്കെടുക്കും