കോർപ്പറേഷൻ മാലിന്യ കേന്ദ്രത്തിൽ മാലിന്യത്തിനൊപ്പം മുറിച്ചുമാറ്റിയ രണ്ട് കാലുകള്‍ കണ്ടെത്തി; വലിയതുറ പൊലീസ് അ‌ന്വേഷണം ആരംഭിച്ചു

തിരുവനന്തപുരം: മുട്ടത്തറയിൽ കോർപ്പറേഷൻ മാലിന്യ കേന്ദ്രത്തിൽ ശരീര ഭാഗങ്ങൾ കണ്ടെത്തി. രണ്ട് കാലുകളാണ് കണ്ടത്തിയത്.

പ്ലാന്‍റിലെ തൊഴിലാളികളാണ് അവശിഷ്ടങ്ങള്‍ കണ്ടെത്തിയത്. ശരീരഭാഗങ്ങള്‍ പൊലീസ് ശേഖരിച്ചു. ഫൊറന്‍സിക് പരിശോധന അടക്കം നടത്തും.

ആശുപത്രി അവശിഷ്ടങ്ങളാണ് ഇതെന്നാണ് സംശയം. വലിയതുറ പൊലിസ് അന്വേഷണം തുടങ്ങി.