തൃശൂര്: പുതുക്കാട് നവജാതശിശുക്കളെ കുഴിച്ചുമൂടിയ സംഭവത്തില് കൂടുതല് വിവരങ്ങള് പുറത്ത്.
ആദ്യത്തെ കുഞ്ഞ് ജനനസമയത്ത് പൊക്കിള്ക്കൊടി കഴുത്തില് ചുറ്റി ശ്വാസം മുട്ടി മരിച്ചതാണെന്നാണ് യുവതി മൊഴി നല്കിയിട്ടുള്ളതെന്ന് തൃശൂര് എസ് പി ബി കൃഷ്ണകുമാര് വ്യക്തമാക്കി.
രണ്ടാമത്തെ കുഞ്ഞിന്റെ മരണം അസ്വാഭാവിക മരണമാണെന്ന് സംശയമുണ്ടെന്നും എസ് പി കൂട്ടിച്ചേര്ത്തു.
കാമുകന് പൊലീസിന് മുന്നില് ഹാജരാക്കിയ അസ്ഥികള് കുട്ടികളുടേത് തന്നെയെന്ന് തിരിച്ചറിഞ്ഞിട്ടുണ്ട്.
ഫോറന്സിക് സര്ജന് പൊലീസ് സ്റ്റേഷനിലെത്തിയാണ് അസ്ഥികള് കുട്ടികളുടേതാണെന്ന് തിരിച്ചറിഞ്ഞത്. ഇത് ശാസ്ത്രീയ പരിശോധനയ്ക്കായി അയച്ചിരിക്കുകയാണ്.
Whatsapp Group 1 | Whatsapp Group 2 |Telegram Group
ഡിഎന്എ പരിശോധന നടത്തും. സംഭവത്തില് അസ്ഥി പൊലീസ് സ്റ്റേഷനില് ഹാജരാക്കിയ ഭവിന് (25), കാമുകി അനീഷ (22) എന്നിവരെ പൊലീസ് കസ്റ്റഡിയിലെടുത്തിട്ടുണ്ട്. രണ്ട് ആണ്കുഞ്ഞുങ്ങളാണ് മരിച്ചത്. പ്രസവിച്ച് നാലുദിവസങ്ങള്ക്കുള്ളിലാണ് കുഴിച്ചിട്ടതെന്ന് പൊലീസ് പറയുന്നു. രണ്ടാമത്തെ കുഞ്ഞും മരിച്ചാണ് ജനിച്ചതെന്ന അനീഷയുടെ മൊഴി പൊലീസ് വിശ്വാസത്തിലെടുത്തിട്ടില്ല.
