മണർകാട്: ആഗോള മരിയൻ തീർത്ഥാടന കേന്ദ്രമായ മണർകാട് വിശുദ്ധ മർത്തമറിയം യാക്കോബായ സുറിയാനി കത്തീഡ്രൽ വികാരിയും യാക്കോബായ സുറിയാനി ഓർത്തഡോക്സ് സഭയിലെ മുതിർന്ന വൈദീകനും ആയ വെരി റവ. ഇ.റ്റി. കുറിയാക്കോസ് കോർ എപ്പിസ്കോപ്പ ഇട്ടിയേടത്ത് (96) അന്തരിച്ചു.
ഭൗതീക ശരീരം നാളെ മൂന്നിന് ഭവനത്തിൽ കൊണ്ടുവരുന്നതും, സംസ്കാര ശുശ്രൂഷകൾ തിങ്കളാഴ്ച (15-6-2026) രാവിലെ 10 ന് ഭവനത്തിൽ ആരംഭിച്ച് നഗരി കാണിക്കലിന് ശേഷം ശ്രേഷ്ഠ കാതോലിക്കാ ആബൂൻ മോർ ബസ്സേലിയോസ് ജോസഫ് ബാവായുടെ മുഖ്യ കാർമ്മികത്വത്തിൽ മണർകാട് കത്തീഡ്രലിൽ നടത്തപ്പെടും.
ഇട്ടിയാടത്ത് കുര്യൻ തോമസിൻ്റെയും ഏലിയാമ്മയുടെയും മകനായി 1929 ഡിസംബർ 5-നാണ് ജനനം. ഭാര്യ:അന്നമ്മ കുര്യാക്കോസ് .
മക്കൾ: ഇ.കെ.തോമസ്, ഇ.കെ.മാത്യു, ഇ.കെ. കരിയാക്കോസ്,
ഇ. കെ. എലിയാമ്മ, ഇ. കെ. അന്നമ്മ.
മരുമക്കൾ: ലൈലമ്മ തോമസ്, റജീന ജോർജ്, പരേതനായ സുകു ചുങ്കത്ത്, പ്രൊഫ്. ഡോ. ഇ. വി. നൈബി, മേരി ജോൺ.
