ഈ കോളുകള് വന്നാല് ശ്രദ്ധിക്കണം, ഉടനെ പൊലീസില് അറിയിക്കണം, തട്ടിപ്പുകാരെ തിരിച്ചറിയാം: മുന്നറിയിപ്പുമായി കേരള പോലീസ്
തൃശൂര്: നിങ്ങള് അയച്ച പാഴ്സലില് മാരക മയക്കുമരുന്ന് കണ്ടെത്തിയെന്നും നിങ്ങള് കുറ്റകൃത്യം ചെയ്തതായി തെളിവുണ്ടെന്നും പറഞ്ഞ് പൊലീസിന്റെയോ മറ്റേതെങ്കിലും അന്വേഷണ ഏജന്സിയുടെയോ പേരില് സൈബര് തട്ടിപ്പുകാര് നിങ്ങളെ വിളിക്കാനിടയുണ്ടെന്ന് കേരള പൊലീസ് മുന്നറിയിപ്പ് നൽകി. കോള് എടുക്കുന്നയാള് വെര്ച്വല് അറസ്റ്റിലാണെന്ന് ഭീഷണിപ്പെടുത്തിയാണ് പണം തട്ടല്. ഇത്തരം തട്ടിപ്പുകള്ക്കെതിരെ ജാഗ്രത പാലിക്കണമെന്നും ഇങ്ങനെയുള്ള കോളുകള് ലഭിച്ചാല് ഭയപ്പെടാതെ ഉടനെ പോലീസില് അറിയിക്കണമെന്നും കേരള പോലീസിന്റെ ഒഫീഷ്യല് പേജിലെ മുന്നറിയിപ്പില് പറയുന്നു. ഉന്നത പോലീസ് ഉദ്യോഗസ്ഥരുടെ യൂണിഫോം ധരിച്ച് വീഡിയോ കോളിലാണ് തട്ടിപ്പുകാര് എത്തുന്നത്. […]