ബൈക്ക് ഡിവൈഡറിൽ ഇടിച്ചുകയറി യുവാവിന് ദാരുണാന്ത്യം

സ്വന്തം ലേഖിക

ആലപ്പുഴ: തമിഴ്‌നാട്ടിലുണ്ടായ ബൈക്ക് അപകടത്തില്‍ ഹരിപ്പാട് സ്വദേശിയായ യുവാവിന് ദാരുണാന്ത്യം.

ചെറുതന പത്താം വാര്‍ഡ് മഴമഞ്ചേരില്‍ വീട്ടില്‍ ശ്രീജിത്ത് (36 ) ആണ് മരിച്ചത്.

ബാംഗ്ലൂരില്‍ നിന്നും നാട്ടിലേക്ക് വരുന്ന വഴിയാണ് ദാരുണമായ അപകടം സംഭവിച്ചത്.

ഈറോഡ് വെച്ച്‌ ബൈക്ക് ഡിവൈഡറിലേക്ക് ഇടിച്ചുകയറിയായിരുന്നു അപകടം.

ശ്രീജിത്തിനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

ഭാര്യ: രഞ്ജിനി മകള്‍: ഗൗരി. സംസ്‌കാരം ബുധനാഴ്ച നടക്കും.