സമരനേതാക്കളുടെ ആവശ്യം അംഗീകരിച്ചു; നാളെ മന്ത്രി വി. ശിവൻകുട്ടിയുമായി ആശാ വര്‍ക്കേഴ്സ് കൂടിക്കാഴ്ച നടത്തും; കൂടിക്കാഴ്ച മന്ത്രിയുടെ ചേമ്പറില്‍ വെച്ച്
കോട്ടയം: ആശാ വർക്കേഴ്സിൻ്റെ രാപ്പകല്‍ സമരം ഇന്ന് 56 ആം ദിവസത്തിലേക്കും നിരാഹാര സമരം 18 ആം ദിവസത്തിലേക്കും കടന്നു.
തൊഴില്‍ മന്ത്രി വി.ശിവൻകുട്ടിയുമായി കൂടിക്കാഴ്ച അനുവദിക്കണമെന്ന സമരനേതാക്കളുടെ ആവശ്യം അംഗീകരിച്ചു. നാളെ വൈകുന്നേരം 3 മണിക്ക് ആശാ വർക്കേഴ്സ് മന്ത്രി വി. ശിവൻകുട്ടിയുമായി ചർച്ച നടത്തും.
മന്ത്രിയുടെ ചേമ്പറില്‍ വച്ചാണ് കൂടിക്കാഴ്ച നടക്കുക.
കഴിഞ്ഞ 19ന് ലേബർ കമ്മീഷണർക്ക് സമരസമിതി കത്ത് നല്‍കിയിരുന്നു. പിന്നീട് മന്ത്രി വി. ശിവകുട്ടിക്ക് മെയില്‍ അയച്ചിരുന്നതായും സമര നേതാവ് വി.കെ സദാനന്ദൻ പറഞ്ഞിരുന്നു. തനിക്ക് ഇതുവരെയും സമരക്കാർ ഒരു അപേക്ഷയും നല്‍കിയിട്ടില്ലെന്നായിരുന്നു മന്ത്രിയുടെ വാദം.
Whatsapp Group 1 | Whatsapp Group 2 |Telegram Group
പല വട്ടം സർക്കാരും സമരക്കാരും തമ്മില്‍ ചർച്ച നടന്നെങ്കിലും പ്രശ്‌നപരിഹാരത്തിനു കളമൊരുങ്ങിയിരുന്നില്ല. ഓണറേറിയം കൂട്ടുന്നതും വിരമിക്കല്‍ ആനുകൂല്യം പ്രഖ്യാപിക്കുന്നതും അടക്കമുള്ള ആവശ്യങ്ങളില്‍ അനുകൂല തീരുമാനമെടുത്ത് ഉത്തരവിറക്കാതെ സമരത്തില്‍ നിന്ന് പിന്മാറില്ലെന്നാണ് സമരസമിതിയുടെ നിലപാട്.
