സ്വന്തം ലേഖിക
കൊച്ചി: അരിക്കൊമ്പന്റെ വലതുകണ്ണിന് കാഴ്ചക്കുറവെന്ന് റിപ്പോര്ട്ട്.
വനം വകുപ്പ് ഹൈക്കോടതിയില് സമര്പ്പിച്ച റിപ്പോര്ട്ടില് ആണ് ഇക്കാര്യം ഉള്ളത്.
മയക്കുവെടി വച്ച് പരിശോധിച്ചപ്പോഴാണ് മനസ്സിലായതെന്നും റിപ്പോര്ട്ടില് പറയുന്നു.
Whatsapp Group 1 | Whatsapp Group 2 |Telegram Group
എന്നാല് ഇതിന് കൂടുതല് ചികിത്സ ആവശ്യം ഇല്ലെന്നും വനം വകുപ്പ് വ്യക്തമാക്കി. തുമ്പിക്കൈയില് ഉള്പ്പെടെയുള്ള പരിക്ക് പിടി കൂടുന്നതിന് രണ്ടു ദിവസം മുന്പ് ഉണ്ടായതെന്നും കണ്ടെത്തല്.
ഏപ്രില് 30 ഞായറാഴ്ച പുലര്ച്ചെ നാലരയോടെയാണ് അരിക്കൊമ്പനെ ചിന്നക്കനാലില് നിന്നും പെരിയാര് കടുവ സങ്കേതത്തില് തുറന്നു വിട്ടത്. ആനയ്ക്ക് ആരോഗ്യപ്രശ്നങ്ങള് ഒന്നുമില്ലെന്നും തുറന്നുവിട്ട സ്ഥലത്ത് നിന്നും ഒന്നര കിലോമീറ്റര് ഉള്വനത്തിലേക്ക് അരിക്കൊന് കയറിപ്പോയെന്നും റേഡിയോ കോളറില് നിന്നുള്ള ആദ്യ സിഗ്നലില് നിന്നും വ്യക്തമായതായി പെരിയാര് കടുവാ സങ്കേതം അസിസ്റ്റന്റ് ഫീല്ഡ് ഡയറക്ടര് ഷുഹൈബ് അറിയിച്ചിരുന്നു.
മംഗളാദേവി ക്ഷേത്രത്തിനു സമീപം മേദകാനത്തിനും മുല്ലക്കുടിക്കും ഇടയിലുള്ള ഉള്ക്കാട്ടിലാണ് ആനയെ തുറന്നു വിട്ടത്.
