കോട്ടയം: അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി കോട്ടയത്ത് ജില്ലാതല ബോധവത്കരണ പരിപാടികൾ ജൂൺ 26ന് നടക്കും. എം.ഡി സെമിനാരി ഹയർ സെക്കൻഡറി സ്കൂളിൽ നടക്കുന്ന പരിപാടിയുടെ ജില്ലാതല ഉദ്ഘാടനം നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ നിർവഹിക്കും.
കോട്ടയം എക്സൈസ് വകുപ്പ് വിമുക്തി മിഷൻ, മലയാള മനോരമ നല്ലപാഠം, സർഗ്ഗക്ഷേത്ര 89.6 എഫ്.എം. റേഡിയോ, ഡോ. ജോർജ് പടനിലം ഫൗണ്ടേഷൻ എന്നിവരുടെ സംയുക്താഭിമുഖ്യത്തിലാണ് പരിപാടി സംഘടിപ്പിക്കുന്നത്. രാവിലെ 9.30ന് “റൺ എഗൈൻസ്റ്റ് ഡ്രഗ്സ്” സന്ദേശമുയർത്തി ലഹരി വിരുദ്ധ റാലി നടക്കും. തുടർന്ന് പൊതുസമ്മേളനവും ബോധവത്കരണ പരിപാടികളും സംഘടിപ്പിക്കും.
വിദ്യാർഥികൾ, അധ്യാപകർ, ജനപ്രതിനിധികൾ, വിവിധ വകുപ്പ് ഉദ്യോഗസ്ഥർ, സാമൂഹിക-സാംസ്കാരിക രംഗത്തെ പ്രമുഖർ തുടങ്ങിയവർ പരിപാടിയിൽ പങ്കെടുക്കും. ലഹരി ഉപയോഗത്തിന്റെ ദൂഷ്യഫലങ്ങളെക്കുറിച്ചുള്ള അവബോധം വർധിപ്പിക്കുകയും യുവതലമുറയെ ലഹരിയിൽ നിന്ന് അകറ്റിനിർത്തുകയും ചെയ്യുകയെന്ന ലക്ഷ്യത്തോടെയാണ് പരിപാടി സംഘടിപ്പിക്കുന്നത്. ജില്ലയിലുടനീളം വിവിധ ലഹരി വിരുദ്ധ ബോധവത്കരണ പ്രവർത്തനങ്ങൾക്കും ദിനാചരണത്തിന്റെ ഭാഗമായി തുടക്കമാകും.
Whatsapp Group 1 | Whatsapp Group 2 |Telegram Group
