രണ്ട് വർഷങ്ങൾക്ക് മുൻപ് ആനയ്ക്ക് വെള്ളം ആവശ്യപ്പെട്ട് പാപ്പാനെത്തി !! പാപ്പാന്റെ കണ്ണിലുടക്കിയത് പതിനാറുകാരിയെ; ആനവാൽമോതിരം ചോദിച്ച പെൺകുട്ടിയോട് നഗ്നത കാണിച്ചാൽ തരാമെന്ന് മോഹനവാഗ്ദാനവും; വീഡിയോ ചാറ്റിങ്ങിലൂടെ തുടർച്ചയായി നഗ്നദൃശ്യങ്ങൾ ആവശ്യപ്പെട്ട സംഭവത്തിൽ ആനപാപ്പാനെ തന്ത്രപരമായി പൊലീസ് പൊക്കി
സ്വന്തം ലേഖകൻ
പാലാ: കോട്ടയം പലയിൽ നടന്ന സംഭവത്തിൽ വളരെ ഞെട്ടിക്കുന്ന സംഭവമാണ് ഇപ്പോള്‍ പുറത്ത് വരുന്നത്. ആനവാല്‍ ചോദിച്ച 16 കാരിയെ പീഡിപ്പിക്കാന്‍ ശ്രമിച്ച ആനപാപ്പാന്‍ പോക്‌സോ കേസില്‍ അകത്തായിരുന്നു.
രണ്ടു വര്‍ഷമായി പെണ്‍കുട്ടിയുമായി സൗഹൃദത്തിലായ ഇയാള്‍ വീഡിയോകോളിലൂടെ നഗ്‌ന ദൃശ്യങ്ങള്‍ കാണിക്കണമെന്ന് പെണ്‍കുട്ടിയോട് ആവശ്യപ്പെട്ടിരുന്നതായി പൊലീസ് പറഞ്ഞു. കഴിഞ്ഞ കുറേ നാളുകളായി പെണ്‍കുട്ടി ഫോണ്‍ ചാറ്റിംഗില്‍ ഏര്‍പ്പെടുന്നത് മാതാപിതാക്കള്‍ ശ്രദ്ധിച്ചിരുന്നു.
Whatsapp Group 1 | Whatsapp Group 2 |Telegram Group
തുടര്‍ന്ന് മാതാപിതാക്കള്‍ മേവടയിലുള്ള സുഹൃത്തായ ഒരു മാദ്ധ്യമപ്രവര്‍ത്തകനോട് ഇക്കാര്യം പറയുകയും അദ്ദേഹം പാലാ സി ഐ കെ.പി. ടോംസണെ അറിയിക്കുകയും ചെയ്തു. തുടര്‍ന്ന് വനിതാ പൊലീസ് പെണ്‍കുട്ടിയുടെ മൊഴി രേഖപ്പെടുത്തിയപ്പോഴാണ് കഴിഞ്ഞ രണ്ടു വര്‍ഷമായി സജിയുമായി പെണ്‍കുട്ടി സൗഹൃദത്തില്‍ ആയിരുന്നുവെന്ന് വ്യക്തമായത്.
പെണ്‍കുട്ടിയുടെ വീടിനു സമീപം ആനയുമായി രണ്ടുവര്‍ഷം മുൻമ്പ് എത്തിയ സജി വെള്ളം ആവശ്യപ്പെട്ട് പെണ്‍കുട്ടിയുടെ വീട്ടില്‍ എത്തിയപ്പോള്‍ ആനവാല്‍ തരാമോയെന്ന് പെണ്‍കുട്ടി ഇയാളോട് തിരക്കി. അങ്ങനെയാണ് സൗഹൃദത്തിലായത്.
തുടര്‍ന്ന് ഒരു വര്‍ഷം മുൻമ്പ് പെണ്‍കുട്ടിയുടെ വീട്ടില്‍ എത്തിയ സജി കടന്നുപിടിക്കുകയായിരുന്നു. പിന്നീട് പലതവണ വീഡിയോ ചാറ്റിംഗില്‍ ഇടപെടുകയും നഗ്‌നദൃശ്യങ്ങള്‍ കാണിക്കണമെന്ന് തുടര്‍ച്ചയായി ആവശ്യപ്പെടുകയും ചെയ്തു.
പെണ്‍കുട്ടിയുടെ വിശദമായ മൊഴി രേഖപ്പെടുത്തിയ പൊലീസ് പിന്നീട് സജിയെ ഭരണങ്ങാനത്ത് ആനപ്പാപ്പാനായി ജോലി ചെയ്യവേ പിടികൂടുകയായിരുന്നു.
