തിരുവനന്തപുരം വെമ്പായത്തുള്ള അമ്യൂസ്മെൻ്റ് പാർക്കിൽ റൈഡ് പൊട്ടിവീണുണ്ടായ അപകടത്തിൽ പ്രതികരണവുമായി നാട്ടുകാർ. അപകടം ഉണ്ടായി മണിക്കൂറുകൾക്ക് ശേഷമാണ് രക്ഷാപ്രവർത്തനം ആരംഭിച്ചതെന്ന് നാട്ടുകാർ ആരോപിച്ചു. സുരക്ഷാ സംവിധാനങ്ങൾ പാർക്കിൽ ഇല്ലായിരുന്നു. ആംബുലൻസ് എത്താൻ വൈകിയെന്നും പ്രദേശവാസികൾ പറഞ്ഞു. ഹാപ്പി ലാൻഡിൽ മുൻപും അപകടങ്ങൾ സംഭവിച്ചിട്ടുണ്ടെന്ന് നാട്ടുകാർ പറഞ്ഞു. വെമ്പായത്തെ ഹാപ്പി ലാൻഡ് എന്ന അമ്യൂസ്മെൻ്റ് പാർക്കിലാണ് അപകടം ഉണ്ടായത്. പാർക്കിലെ റൈഡ് പൊട്ടി താഴേക്ക് പതിക്കുകയായിരുന്നു.
അപകടത്തിന് പിന്നാലെ അമ്യൂസ്മെന്റ് പാര്ക്കിന്റെ സുരക്ഷാസംവിധാനങ്ങള് സംബന്ധിച്ച് വ്യാപക വിമര്ശനമാണ് ഉയരുന്നത്. അപകടമുണ്ടായി നാല് മണിക്കൂറോളം രക്ഷാപ്രവര്ത്തനം വൈകിയെന്നും അപകടമുണ്ടായിട്ടും ആളുകളെ ഒഴിപ്പിച്ചില്ലെന്നും നാട്ടുകാര് ആരോപിച്ചു. റൈഡിന്റെ പല ഭാഗങ്ങളും തുരുമ്പെടുത്ത നിലയിലാണ്. പരുക്കേറ്റവരെ മാലിന്യം കൊണ്ടുപോകുന്ന വണ്ടിയിലാണ് ആശുപത്രിയില് എത്തിച്ചതെന്നും ഇവര് പറയുന്നു. നിലവില് ഹാപ്പിലാന്ഡ് പ്രവര്ത്തനം താല്ക്കാലികമായി നിര്ത്തിവെച്ചിരിക്കുകയാണ്.
അപകടം നടക്കുന്ന സമയത്ത് 30ഓളം ആളുകൾ ജയന്റ് വീലിൽ ഉണ്ടായിരുന്നു. ഒരു കുടുംബത്തിലെ 5 പേർക്കാണ് അപകടത്തിൽ ഗുരുതരമായി പരിക്കേറ്റത്. ഇവർ നിലവിൽ ചികിത്സയിൽ കഴിയുകയാണ്. റൈഡിൻ്റെ വെൽഡിങ് പൊട്ടിയാണ് അപകടം സംഭവിച്ചതെന്നാണ് പ്രാഥമിക നിഗമനം. പൊലീസും സുരക്ഷാ ഉദ്യോഗസ്ഥരും സ്ഥലത്തെത്തിയിട്ടുണ്ട്. അധികൃതരുടെ ഭാഗത്ത് നിന്ന് ഗുരുതര വീഴ്ച ഉണ്ടായതായാണ് വിവരം.
Whatsapp Group 1 | Whatsapp Group 2 |Telegram Group
