സാധാരണക്കാർക്ക് ആശ്വാസം..!! ഇരുചക്രവാഹനങ്ങളിൽ കുട്ടികളുമായി യാത്ര ചെയ്യാം; 12 വയസ്സിൽ താഴെയുള്ള കുട്ടികളെ മൂന്നാമത് യാത്രക്കാരായി കണക്കാക്കി പിഴ ഈടാക്കില്ല

സ്വന്തം ലേഖകൻ

തിരുവനന്തപുരം: ഇരുചക്രവാഹനങ്ങളിൽ കുട്ടികൾക്ക് യാത്ര ചെയ്യാം.കേന്ദ്ര തീരുമാനം വരും വരെ 12 വയസ്സില്‍ താഴെയുള്ള കുട്ടികളെ മൂന്നമാത് യാത്രക്കാരായി കണക്കാക്കി പിഴ ഈടാക്കില്ലന്ന് ഗതാഗതമന്ത്രി ആന്‍റണി രാജു. കേന്ദ്രനിമയത്തില്‍ ഭേദഗതി വേണമമെന്ന് കേരളം ആവശ്യപ്പെട്ടിട്ടുണ്ട്.

തിങ്കൾ രാവിലെ എട്ട് മണി മുതൽ എഐ ക്യാമറ വഴി ഗതാഗത നിയമലംഘനത്തിന് പിഴ ഈടാക്കും. ഹെൽമെറ്റ് സീറ്റ്ബെൽട്ട്, മൊബൈൽ ഉപയോഗം, തുടങ്ങി എല്ലാറ്റിനും പിഴ ഈടാക്കും. റോഡ് സുരക്ഷാ നിയമം കർശനമ്ക്കുന്നത് ജനങ്ങളുടെ ജീവൻ സുരക്ഷിതമാക്കാനാണ്. റോഡപകട നിരക്കിൽ കേരളം മുന്നിലാണ്. ശരാശരി 161 അപകടങ്ങൾ. പ്രതിദിനം ശരാശരി 12 മരണം. വാഹനങ്ങൾ കൂടുമ്പോൾ അപകട നിരക്ക് കൂടുന്നു. ഇത് ഒഴിവാക്കണമെന്ന് മന്ത്രി ആവശ്യപ്പെട്ടു.

നൈറ്റ് വിഷൻ ഉൾപ്പെടെ മികച്ച ക്യാമറ സംവിധാനമാണ് ഏർപ്പെടുത്തിയിരിക്കുന്നത്. 692 ക്യാമറ പ്രവർത്തന സജ്ജമാണെന്ന് വിദഗ്ധ സമിതിയുടെ പരിശോധനയിൽ വ്യക്തമായതായി മന്ത്രി പറഞ്ഞു.