അടിമാലി ചീയപ്പാറയിൽ കാർ കൊക്കയിലേക്ക് മറിഞ്ഞ് അപകടം ;നാലു പേർക്ക് പരിക്ക് ;കാർ പതിച്ചത് 150 അടിയോളം താഴ്ചയിലേക്ക്

സ്വന്തം ലേഖകൻ

അടിമാലി: ചീയപ്പാറയിൽ150 അടിയോളം താഴ്ചയുള്ള കൊക്കയിലേക്ക് കാർ മറിഞ്ഞ് അപകടം.നാലു പേർക്ക് പരിക്ക്.

അടിമാലി പൊളിഞ്ഞപാലം സ്വദേശികളായ അബ്ദുൾ ഖാദർ, ഭാര്യ റജീന, അയൽവാസികളായ ബിജു, ലാലി എന്നിവർക്കാണ് പരിക്കേറ്റത്. ചീയപ്പാറ വെള്ളച്ചാട്ടത്തിന് സമീപത്താണ് അപകടം നടന്നത്.

കൊച്ചി നെടുമ്പാശ്ശേരി വിമാനത്താവളത്തിൽ നിന്നും മടങ്ങി വരുംവഴിയാണ് അടിമാലിയിൽ വെച്ച് അപകടമുണ്ടായത്.

റോഡിൽ നിന്നും 150 അടിയോളം താഴ്ചയിലേക്കാണ് കാർ വീണത്. അടിമാലിയിൽ നിന്നും അഗ്നിശമന സേനയെത്തി.